Нийслэлийн хэмжээнд жил бүрийн 05 дугаар сард Зуслан ногоон бүсийн их цэвэрлэгээг зохион байгуулдаг. СХД энэ жил Улаанбаатар хотын Захирагчийн ажлын алба, Тээвэрлэлт үйлчилгээний төв, иргэдийн бүлэг, хороодын ард иргэдээс бүрдсэн 110 орчим хүн, 3 тээвэрлэгч машины бүрэлдэхүүнтэй баг Хустайн ам, Төгөл, Богины аманд зуслан ногоон бүсийн цэвэрлэгээг эхлүүллээ. Дүүргийн хэмжээнд 22-р хороонд Баянголын амны зуслан, 24-р хороонд Бумбат болон Нумтын зуслан, 25-р хороонд Хустайн ам болон, Төгөл, Богинын амны зуслангуудын 4300 орчим га талбай зуслан ногоон бүсэд хамаардаг юм. Өнөөдөр Хоггүй орчин-Эрүүл амьдрал аяны хүрээнд хийгдэж байгаа хог цэвэрлэгээний ажлын явц 85 хувьтай байна.

Шуурхай.мн