УГЖ Т.Ариунаа, найруулагч Ганхуяг нар өчигдөр Боловсрол телевизийн “50 саяын уналт” нэвтрүүлэгт тун
амжилттайгаар оролцож 7 сая төгрөг өвөртөлчихөөд гэртээ харьсан юм. Тус нэвтрүүлэгээр ч уг нь хэрийн аавын хүү, ээжийн охинд аз тохиогоод байдаггүй л юм.
Аргагүй л нэг жавхаатай гавьяат маань Төв аймгийн театрын найруулагч Ганхуяг ахтайгаа зарим нэг асуултад бүдэрснийг эс тооцвол гайгүйхэн шиг оролцож, үзэгчдийг хэсэг зуур тус телевизээс салгасангүй. Уйдаасангүй ээ.
Түүнчлэн МУГЖ Т.Ариунаагийн нөхөр архи сархадын бизнес хөөдөгийг ч хэлэх үү эрхэмсэг хатагтай МУГЖ Т.Ариунаа маань этилийн спирттэй холбоотой асуултад тун чиг гарамгай хариулж байсан нь нүдэнд содон тусч, түүнд их амархан асуулт таарлаа гэх харыг бас давхар төрүүлээд амжсан юм даа.
Түүний хажуугаар сүүлийн үед МУГЖ Т.Ариунааг онгод тэнгэртэй бөө болж байгаа хэмээх цуурхал дагах болсон.
Зарим талаараа гавьяат маань мэдлэгээрээ биш, зөв совингоороо хариулж байгаа нь харагдаж байсан. Дээрх байдал нь зарим хэрэгт дурлагсдад өнөөх цуурхлыг баталлаа гэх сэжиг таамаг төрүүлээд амжсныг дурьдахгүй өнгөрч чадсангүй.