Хүнсний аюулгүй байдал түүнд тавьж буй хяналт, шаардлага ямар түвшинд байгааг үйлчилгээний байгууллагууд өдөр бүр дэлгэн харуулсаар байна. Үүд хаалгаа нээхдээ сүржин уриа, рекламуудаар ард иргэдийн тархийг угаадаг ч тэр хэрээрээ чанарын шаардлага хангах ёстой атал огтхон ч хайхрахгүй байгаа нь худал биш. Өнгөрсөн өвөл сар шинийн өмнөхөн нээлтээ хийгээд байсан “Хүннү Молл”-ын Абсолют дэлгүүр муудаж хөгцөрсөн иогуртан тараг зарж байхыг нэгэн иргэн өөрийн пэйсбүүк хуудсанд мэдээлжээ. Том, өргөн сүлжээ дэлгүүрүүдэд итгэл үзүүлсэн иргэд эрүүл мэнд, амь насаараа хохироход энүүхэнд гэдгийг энэ байдал гэрчлэв. Тус бүтээгдэхүүний хугацаа төдийлөн дуусаагүй байгаа ч хадгалж буй орчин нөхцөл ямар хэмжээнд байгаа гэдгийг анзаарч сэрэмжлэхийг иргэн танд сануулж байна.

Эх сурвалж:Шуурхай.мн