Дорноговь аймаг дахь Цагдаагийн газарт өнгөрсөн нэгдүгээр сарын 24-25-нд шилжих шөнө 04-05 цагийн хооронд Зэвсэгт хүчний 336 дугаар ангийн дэд ахлагч Э.Э нь байлдагч Ж.Б, Т.Н, С.С, Г.Б нарыг хөл нүцгэн гүйлгэж, хөлийг хөлдөөн, гэмтэл учруулсан хэрэг гарсан билээ. Улмаар байлдагч Ж.Баярцогт хөлийнхөө 9 хурууг тайруулж, хөгжлийн бэрхшээлтэй нэгэн болчихоод байгаа юм.

Тэгвэл уг хэрэгт холбогдуулан дэд ахлагч Э.Э-д Эрүүгийн хуулийн тусгай ангийн 277 дугаар зүйлийн 277.2-т зааснаар эрүүгийн хэрэг үүсгэн шалгасан байна. Хэргийг шалгах явцад байлдагчдын биед хөнгөн болон хүндэвтэр гэмтэл учирсан нь мөрдөн байцаалтын шатанд тогтоогджээ.

Ингээд Дорноговь аймаг дахь Цагдаагийн газраас хэргийг энэ сарын 14-нд аймгийн прокурорын газарт шилжүүлж, прокурор шүүхэд шилжүүлсэн байна.

Хэргийн талаарх дэлгэрэнгүй мэдээллийг ЭНД дарж уншина уу.