УИХ-ын гишүүн асан Г.Уянгыг Тусгаар тогтнол, Эв нэгдлийн намаас гишүүд нь хөөсөн гэж тус намын дарга  Ц.Баянбилэг хэвлэлд ярьжээ. Тэрбээр “Би Тусгаар тогтнол, Эв нэгдлийн намыг үүсгэн байгуулагч нарын нэг. Өрхийг нь татаж, үүдийг нь нээсэн хүн бол би.   Улсын Дээд Шүүхэд бүртгэлтэй анхны намын дарга нь би шүү дээ. УИХ-д суудалтай, олон дэмжигчтэй намын дарга болох гэж яарсан тал бий. Яаруу, хуумгай шийдвэрээсээ үүдээд Г.Уянга гэдэг эмэгтэйг намын дарга болгож том алдаа хийсэн. УИХ-ын гишүүн асан Г.Уянга намын дарга болох гэж яарахдаа бага хурлын гишүүдийн гарын үсгийг хуурамчаар зурсан. Өнөөдөр хүртэл гарын үсэг зураагүй гэсэн 30, 40 гаруй гишүүд байна. Хүний гарын үсэг хуурамчаар зурах чинь гэмт хэрэг биз дээ. Бусдын үүсгэн байгуулсан намыг хуурамч гарын үсэг зурж намын дарга болно гэдэг чинь хууль, шүүхийн байгууллагыг залилан мэхэлж байгаа хэрэг биз дээ.” хэмээсэн байна. Харин Г.Уянга одоогоор ямар нэг тайлбар хийгээгүй байна.

Эх сурвалж: Шуурхай.мн