УИХ-ын дэд дарга Ц.Нямдорж Төрийн ордонд мэдээлэл хийлээ. Энэ үеэрээ тэрээр С.Зоригийг хөнөөсөн гэх хэргийн талаар зарим хачирхалтай баримтуудыг дэлгэв. Тодруулбал:

С.Зоригийн  амь насыг хөнөөсөн гэх  Ц.Амгаланбаатар  нь  2007 онд үерхэж байсан найзаа зодож, гэмтээсэн хэргээр шалгагдаж ялтан болсон. Үүнээс хойш  нийт 4 хүний амийг хөнөөсөн гэж худлаа мэдүүлэг өгч байсан болохыг дэлгэв.

Тухайлбал : Ц.Амгаланбаатар ял эдэлж байхдаа 2003 онд Архангай аймагт 3 хүний аминд халдсан гэдэг зүйлийг ярьсан. Үүнийг нь  Эрүүгийн цагдаагийн газар шалгахад худал мэдүүлэг байсан.

Мөн Амгаланбаатар Чимгээ рүү 9598-…..  гэсэн дугаараас “Чи  ямар хүн алсанаа мэдэж байгаа биз дээ. Чи, Жаагий /Содномдаржаа/ та хоёр алаа биз дээ. Намайг эргэж ирээд 5 сая төгрөг өг. Тэгэхгүй бол би хэргийг дэлгэнэ шүү. Шаазан ваарны үйлдвэрийг санаж байгаа биз дээ. ” гэх мэт нийт 102 мессэж бичжээ.

Үүний дараа  2015 оны 3 сарын 21-нд АТГ-ын нэр бүхий ажилтнууд Эрдэнэт хотод очсон. Тэгээд захын  гадаа Содномдаржаагявж байхад нь зодолдсоноор 3 сарын 31-нд Содномдаржаад эрүүгийн хэрэг үүсгэсэн. Үүнээс хойш 2 сарын дараа Чимгээгийн хашаанд цогцос аваачиж хаясан.

Ер нь энэ хэргээс  1937 оны онцгой комиссын ажлын арга барил үнэртэж  байна. Цаашид С.Зоригийг хөнөөсөн хэргийн захиалагчийг илрүүлнэ гэх нэрийн дор хэчнээн хүний амьдралыг үрэн таран хийх бол? Хэргийн цорын ганц гэрч Булганг бүтэн жил хорьчихоод сэжигтэн ч биш, хохирогч ч биш  болгоод шүүх хуралд  оруулдаггүй. Тэгсэн  мөртлөө Булганы мэдүүлсэн ам зургаар ялтануудыг таниулдаг.

 Яагаад энэ хэрэг замхарсныг би хэлье. С.Зоригийг алагдсан орой тэр гэрт нь тэр үеийн Ерөнхий сайд тэргүүтэй 70  гаруй хүн ороод гарсан. Эндээс хэрэг замхрах бүх завхрал эхэлсэндээ” гэв.