2008 оны УИХ-ын сонгуульд тухайн үеийн МАХН-аас Хан-Уул дүүрэгт нэр дэвшин ялалт байгуулсан ч өнөөгийн эрхэм гишүүн Д.Загджавт саналаа луйвардуулсан хэмээн гомдол гаргаж намынхаа нэр хүндийг унахад хүргэсэн ОХУ-д суугаа Элчин сайд Д.Идэвхтэн тун ч овжин нэгэн бололтой. Хэн хүнийг сэтгээгүй байхад Өмнөговь аймгийн Цогтцэций сумын нутагт байх Ухаа худаг нүүрсний өндөр агуулгатай ордыг эзэмших лицензийг гартаа оруулж дөнгөсөн “Энержи Ресурс” ХК-ийн цөөхөн хэдэн хувь нийлүүлэгчдийн нэг болж дөнгөсөн “Тугсан” ХХК-ийн нууц ноёнтон Д.Идэвхтэн тус ХК-д эзэмшдэг хувиа зарж тэнд ямар ч ашиг сонирхолгүй болсон хэмээн бусдын адил мэлзэж байсан ч үгүй байжээ.

Ингэж бичих болсон нь учиртай. Өнөөдөр олны хэл амны бай болоод буй Туул голын урд эрэг дээрх МCS-ийн тансаг орон сууцны Bella Vista цогцолборт дандаа л шийдвэр гаргах түвшний зангарагтай, өөрөөр хэлбэл Монгол улсын томоохон баячууд, улс төрчид айл хөрш болон төвхнөсөн бөгөөд хамгийн сүүлд Элчин сайд Д.Идэвхтэн маш нууцлаг байдалд шөнө дүлээр уг байранд нүүж орсон сурагтай. Тэрбээр өөрийн хувийг зарав уу, аль эсвэл ноогдол ашгиндаа энэ сууцыг авав уу гэдгийг учир мэдэх олон хүн сонирхох болжээ. Тэр юуны учир нуугдан байж ийнхүү шөнө дүлээр орон байрандаа нүүж орсон нь ихээхэн сонирхол татаж байгаа юм.
Ө.Хэмх wikimon.mn