Үндэсний сагсан бөмбөгийн холбоонд 18 улирлыг үдэж, хэдхэн хоногийн өмнө зодгоо тайлсан “Лос Анжелес Клипперс” багийн довтлогч Пол Пирс лигт жинхэнэ өрсөлдөөн, сөргөлдөөн үгүй болсон хэмээн үзэж буйгаа өгүүлжээ.

“Лигт арваад жилийн өмнөх шиг  супер одод нь бие биенээ өдсөн, сөргөөцөлдсөн тийм өрсөлдөөн байхгүй болж. Жинхэнэ сөргөлдөөн алга байна. “Голден Стэйт” болон “Кливлэнд”-ийн өрсөлдөөнийг томоохон сөргөлдөөн гэж үзэж болох ч хувь тоглогчдын дунд Кобе ЛеБроны эсрэг гэдэг шиг гал гарсан өрсөлдөөн алга байна шүү дээ” гэж ярьсан байна.

Эх сурвалж www.wikimon.mn