Дүнжингарав худалдааны төв түрээсийн үнээ огцом нэмжээ.  Тухайлбал, нэг метр кв-аар биш, нэг плитаны хэмжээний зайг 400-600 мянган төгрөгөөр үнэлэн түрээслүүлж байгаа гэнэ. Энэ нь зөвхөн хоёр сарын 1-нээс цагаан сар хүртэл 27 хоногт бодогдох түрээсийн үнэ юм байна. Нэг плитаг ийнхүү үнэлэн лангуу байршуулах талбайг тооцож, нийтдээ доод тал нь зургаан саяас есөн сая төгрөг болж байгаа аж. Ингэхээр тухайн лангуунд зарагдаж буй бараа бүтээгдэхүүний үнэ өсөх нь дамжиггүй. Үүний дарамт нь эргээд жирийн худалдан авагч нарт ирж байгаа юм. Ер нь жил, жилийн цагаан сараар түрээсийн үнээ огцом нэмдэг Дүнжингарав мэтийн газруудад хариуцлага тооцдог газар байна уу.Эдийн засгийн хямралын өнөө үед ингэж даварч энгийн иргэдийг хохироож байгаа нөхдүүдэд хариуцлага тооцох хэрэгтэй. Түрээсийн тухай хуулийг батлах шаардлага байгааг ийнхүү харуулж байгаа юм.