Эрдэнэтийн асуудлаар тайлбар хий гэж УИХ-ын дарга хэлсэн гэж Ч.Сайханбилэг ярьсан. Тэгвэл З.Энхболд хэлэхдээ  “Цэвэр сонгуульд АН-ыг ялагдуулах гүтгэлэг байсан. Ерөнхий сайд Ч.Сайханбилэг ийм юм хийж болно. Тэр бол АН-д хамаагүй. АН-д Эрдэнэтийн 49 хувийг хувьд өгөх бодлого байгаагүй.

Би мэдээ ч үгүй. Энэ бүх юм гарчихсаны дараа чи энийгээ залруул аа гэсэн. Чи юу хийчихсэн юм бэ Ч.Сайханбилэгээ гэсэн. Оросын мэдээ өглөө нь гарсан. Баянсэлэнгэ үдээс хойш нь хэвлэлийн бага хурал хийгээд л би мэдсэн.

Засгийн газрын хурлаар шийдэж байгаа асуудлыг хүссэнийгээ надад мэдэгддэг. Хүсээгүйгээ нуучихдаг юм. Уг нь бол надад үзүүлэх л ёстой л доо. Аюулгүй байдлын зөвлөлөөр орсон гэж гүтгэсэн. Элбэгдорж Ерөнхийлөгч ч мэдээгүй, би ч мэдээгүй. Тийм хурал болоогүй бөгөөд ийм асуудал яригдаагүй.

Ерөнхийлөгч хэзээ мэдсэн яасныг би асуугаагүй. Гэхдээ Оросын талаас Ташкентын уулзалт дээр энийг хөндсөн гэсэн. Тэгэхээр Ерөнхийлөгч мэдээлэлтэй л байсан байх. Би бол сонгуульд оролцоод ямар ч мэдээлэлгүй байсан.

Сайханбилэгийн тайлбарыг би сүүлд нь сонссон. Би авахгүй гэчихвэл Хятадын компанид зарах гээд байсан шд гэж. Улсын төсөвт мөнгө байгаагүй гэж байсан.

Нэгдүгээрт, Монголын талд ирсэн туйлын зөв өө. Хоёрдугаарт Монголын засгийн газар яагаад аваагүйг, зөв бурууг нь Ардын нам өөрөө шийдэг ээ. Сайханбилэгийн хийсэн юмыг АН-тай битгий холбоо. Наадах чинь Ерөнхий сайд гэдэг өөр хүн. АН бол Энхболд гэдэг өөр хүн. Би Эрдэнэтийн асуудлаар ямар нэг байр суурь илэрхийлэхгүй. Ялангуяа сонгуулийн өмнө тэгж ярьж болохгүй.

Ардын нам 51 хувийг нь Хятадад өгчээ гэж гүтгэсэн шдээ. Сайханбилэгийг мэдэгдэл хий гэдгийн гол учир нь энэ. Оросын хөрөнгийг Монголын компани авсан юм байна, төрийн өмчийн 51-тэй огт холбоогүй гэдгийн ялгааг нь гаргаж хэлээ л гэсэн” хэмээн ярьж байна.

Эх сурвалж: Шуурхай.мн