Архангай аймгийн Засаг дарга Ц.Мөнхнасан байгаль орчинд халтай шийдвэр гаргасан талаарх мэдээлэл байна. Саяхан л Улаанбаатарт ирж үр дүнгийн гэрээ гэж юм байгуулсан засаг ноён Цэнхэр, Эрдэнэмандал, Ихтамир сумын ойн ангийг татан буулгах захирамж гаргажээ. Уг нь Засгийн газрын 2012 оны 255-р тогтоолоор батлагдсан Ойг хамгаалах, нөхөн сэргээх, ашиглалтад хяналт тавих, ойн нөхөрлөлүүдийг дэмжих үүрэгтэй ойн анги юм. Гэтэл засаг дарга Ц.Мөнхнасан Засгийн газрын тогтоолоос гадна Ойн тухай хуулийг зөрчиж захирамж гаргажээ. Бас болоогүй аймгийнхаа  17 хүнийг ажилгүй болгосон байна. Түүний энэ бодлогогүй гэмээр үйлдэл нь байгаль хамгаалагч ойчдыг ажилгүй болгож, эргээд ойг эзгүйдүүлж буйг нутгийн иргэд хэлж байгаа юм.

Архангай аймгийн ойн сангийн нийт талбай 1165.4 мянган га бөгөөд үүний 93.1 хувь буюу 1085.1 га нь ойн талбай, 6.8 хувь буюу 80.3 мянган га-нь ойн бус талбай байна. Харин үүний дийлэнх нь дээрх сумдын  нутагт хамаардаг аж. Тэгэхээр засаг дарга Ц.Мөнхнасан нутаг усаа яавал ч яаг гээд хаяж чадах нэгэн бололтой.

Хулгайгаар мод бэлтгэгчид, ойг сүйтгэгчид сүүлийн жилүүдэд улам л нэмэгдэж байгаа. Ой модоо хайрлах хамгаалах хэрэгтэй гэмт хэрэгтнүүд үйлдлээрээ сануулсаар байтал засаг ноён ийм шийдвэр гаргаж байгаа нь харамсалтай.

Эх сурвалж: Шуурхай.мн