Өнгөрсөн даваа гарагт “М-Си-Эс” группийн байрладаг “Централ тауэр”-т тэсрэх бөмбөг тавьсан байна гэх мэдээлэл цацагдсан билээ. Тухайн үед цагдаа, тагнуул, онцгой байдал, зэвсэгт хүчнийхний бэлэн байдлыг шалгасан талаар бид мэдээлсэн. Тэгвэл “Централ тауэр”-т-ыг төдийгүй, манай онцгой албан хаагчдыг сандраасан этгээд нь АНУ-ын иргэн 52 настай Майкл гэгч юм.  Түүнийг М-Си-Эс группийн ерөнхийлөгч Ж.Оджаргалтай уулзах хүсэлт тавиад боломжгүй гэсэн хариу сонссон тул бөмбөг тавина гэж сүрдүүлсэн гэх мэдээлэл бий. Гэхдээ  орчуулагч бөгөөд зочин угтагч анх цагдаагийханд буруу мэдээлэл өгсөн гэх мэдээ бас байгаа юм.

Ямар ч байсан шалгалтаар  “Централ тауэр”-аас тэсрэх бодис олдоогүй.  Харин АНУ-ын иргэнд Терроризмтой тэмцэх тухай хууль зөрчсөн гэх үндэслэлээр захиргааны арга хэмжээ авч явуулсан гэх мэдээлэл байгаа юм.