Мөнгөн тэмдэгт гэдэг тухайн орны тусгаар тогтнолыг гэрчилж болох нэгэн үнэт зүйл. Манай улс анхны мөнгөн тэмдэгтийг 1921 онд Богд хааны тушаалаар гаргаж байсан бол сүүлд 2006 онд 20 мянгатын дэвсгэртийг гүйлгээнд нэвтрүүлсэн.
Тиймээс одоогоор хамгийн том дэвсгэрт нь 20 мянган төгрөг байгаа. Гэвч сүүлийн үед 50-тын дэвсгэртийг хэвлэсэн гэх албан бус мэдээлэл гарч эхлэв. Түүнчлэн, зураг нь ч сошиал сүлжээгээр цацагдаад эхэлчихэж. Үнэндээ 50 мянгатын мөнгөн дэвсгэрт гарах тухай яриа 20 мянгатыг хэвлэх үеэс нэг жилийн дараа яригдаж эхэлсэн ч төгрөгийн валюттай харьцах ханш тогтвортой байгаа хэмээж, тухайн үеийн Сангийн сайд үгүйсгэсэн удаатай.
Гэвч өнөөгийн Монголын эдийн засгийн нөхцөл байдал тэр үеэс тэс өөр болсон. Өргөн хэрэглээний барааны үнэ өсч, валютын эсрэг төгрөгийн ханш унаж, нэг ам.доллартай харьцах төгрөгийн ханш аль хэдийнэ 2000 төгрөг давсан тул шинэ мөнгөн дэвсгэрт хэвлэгдсэн гэх мэдээлэл оргүй хоосон зүйл биш байхыг ч үгүйсгэх аргагүй.
Холбоотой мэдээ
-
Tan (January 02, 2017 7:53:09 pm )
50000 гарвал монгод төгрөг навс унана тиймээс цаг үеэ сайн. бодолцох хэрэгтэй
-
Anonymous (January 02, 2017 10:21:45 pm )
Komunist argaar buh mongiig neg togrogoor urjuuldeg arga ruugaa delhii niitiig tramp urialj bn
2 Comments