Нийслэлд цөөн тооны чанар сайтай хими цэвэрлэгээ байдгийн хамгийн их үйлчлүүлэгчтэй нь Мэтро экспресс юм. Олон сүлжээ салбартай учир түмэнд хүрээд цөөнгүй хэдэн жилийг ардаа үдсэн. Гэвч тус хими цэвэрлэгээ нь үйлчилгээний газар байж боломгүй ёс зүйн алдаа буруутай үйлдэл хийснийг нэгэн үйлчлүүлэгч өөрийн цахим хуудсаараа дамжуулан мэдэгдэв. Иргэн  Г.Б  энэ сарын эхээр  “Метро экспресс”-т тус бүр нь 1.400.000 /нэг сая дөрвөн зуун мянган/ төгрөгийн үнэтэй  таван хөшиг цэвэрлүүлэхээр өгсөн ч хоёр хоногийн өмнө буцаан авахад өнгө нь алдсан зарим газраараа урагдсан, халдардсан байжээ.

Сар гарны хугацаанд цэвэрлэнэ гэж авчихаад ийм байдалтай буцаасанд үйлчлүүлэгч ихээхэн гомдолтой байгаа бөгөөд гомдол гаргахаар тус байгуууллагатай цахимаар холбогдоход “Манай компанийн зүгээс хөшиг цэвэрлэгээний үнэнд төлсөн мөнгийг тань буцаан олгохоор шийдлээ.  Мөн хөшиг захиалгын газарт хөшгийг нь янзлуулж өгнө” гэсэн мэйл явуулжээ.

Харин тус компанийн менежер хэлэхдээ: Одоо ахин үйлчилгээ хийгдээд бэлэн болохоор нь хүргэж өгөхөөр төлөвлөөд байна. Ямар нэг урагдсан зүйл байхгүй.Хамгаалалтын маш жижиг хуулга нь халцарсан байсан. Тэрийг бол урагдалт гэхгүй. Эдэлгээнээс үүсч байгаа асуудал байж магадгүй.  Бид бол байнгын харилцаатай байгаа.”  гэв.

Урт хугацааны туршид унжирч сунжирсан тус үйлдэлд үйлчлүүлэгчийн зүгээс олон жил үйлчлүүлсэн газар нь ийм ноцтой алдаа гаргасанд ихээхэн бухимдалтай байгаа бөгөөд “Өнгөө алдаад зэвэрчихсэн юм шиг болсон урагдаж цоорсон хөшиг хичнээн хохирол барагдуулж засч янзалж өгье гэсэн ч ямар олигтой харагдахав дээ” хэмээн сэтгэл гонсгор байгаагаа хэлжээ. Баяр ёслол болох гэж байгаатай холбоотой иргэд шинэ оноо шинэ цэвэр цэмцгэр угтах гэж хими цэвэрлэгээг ихээхэн зорих шаардлага гарах нь тодорхой. Ийм үед үйлчилгээний байгууллага нь ч хариуцлагатай мөн хувь хүн ч сонголтоо зөв хийхийг энэ үйл явдал сануулсан болов уу?

Эх сурвалж:Шуурхай.мн