antalya rent a car sesli chat ordu haberleri antalya rent a car
antalya haberleri
Dec 25, 2016 5 comments

.Бээжин: Өмнөговьчуудыг хуурах хоёр дахь зальт ажиллагаа тавантолгойн төсөл нэрээр эхэллээ

нийтлэсэн Admin

12-23-2_700x700Ч.ОЛДОХ

Тавантолгойн  төслийн хэлэлцээний эргэн тойронд Өмнөговь аймгийн Улаанбаатар дахь нутгийн зөвлөлийн байгаль орчны салбарын дарга Ц.Бээжинтэй ярилцлаа.

Тавантолгойг хамтарч ашиглах  түншүүдийн гэрээ  хэлцэл эхэллээ. Хэлцэл, зөвшилцөлд  орон нутгийн иргэдийн оролцоог хэр хангасан юм бол?  

-Өмнөговьчууд нэг удаа Монголын төр, эрх баригчдад хууртагдсан. Монголыг тэжээх, тэр дотроо өмнөговьчуудын амьдралыг зовлон гачаалгүй, ядууралгүй сайн сайхан болгоно гэсэн уриатай “Оюутолгой” хэмээх дэлхийн хэмжээний мега төсөл манай аймагт хэрэгжээд 10 жил болж байна. Эндээс  Монгол орны, тэр дотроо Өмнөговь аймгийнхны  нийгэм эдийн засгийн болон хувь хүмүүсийн амьдралд эерэг сайн нөлөөллийг горьдож хүлээж байсан. Гэтэл талаар өнгөрсөн. Үүнийг нийгэм даяараа  мэдэж байгаа. Одоо Өмнөговь аймгийн газар нутгийг хуваах, дээрэмдэх, зөөх, зарах, өмнөговьчуудыг хуурах хоёр дахь том зальт үйл ажиллагаа эхэлж байна. Энэ юу вэ гэвэл, Тавантолгойн мега төсөл нэртэй дээрмийн үйл ажиллагааг  Монголын төр явуулах гэж байна. Үүнийг Өмнөговь аймгийн жирийн иргэд эрс эсэргүүцэж байгаа. Яагаад гэвэл, Оюутолгойн сургамж бидэнд байна. Ерөнхий төсөл эерэг үр дүнтэй, өмнөговьчууд, монголчуудын эрх ашигт нийцэж байх юм бол нутгийнхан дэмжихэд бэлэн байгаа. Харамсалтай нь одоогийн төр, засгаас явуулж байгаа яриа хэлэлцээрийн эхний дүр зураг  иргэдэд итгэл төрүүлэхгүй байна. Оюутолгойгоос долоон дор үр дагавартай байж мэдэх гарааны алхмуудыг хийж  байгаад харамсч байна. Иймээс Өмнөговийн ард түмэн Ц.Дашдорж сайдаар ахлуулсан Засгийн газрын ажлын хэсгийг эхний ээлжинд орон нутагт ирж яриа хэлэлцээр үүсгээч  гэсэн хүлээлт бий болчихоод байна.  Ц.Элбэгдорж Ерөнхийлөгч нийгэм, эдийн засгийн аливаа асуудлыг шийдэхдээ иргэдийн оролцоотойгоор шийдэж бай гэсэн сайхан үзэл бодол, зарчим ярьдаг. Энэ үзэл бодол Тавантолгойд, манай Өмнөговьт огт тусгагдахгүй байна.  Зөвхөн Цогтцэций сум ч бус  мега төсөлд  хамаарал бүхий Ханхонгор , Ханбогд, Баян-Овоо сум, Гашуунсухайтын хилийн боомт, Цагаан хадны тээвэр ложистикийн төв гэх мэт суурьшил бүхий, дээр нь тус нутгийн малчид, иргэд гэх мэт мега төсөл хувь заяанд  нь зайлшгүй нөлөөлөх  ард иргэдийн  дуу хоолойг сонсох, санаа бодлыг нэгтгэх ёстой. Ийм ажил төр засаг, аймаг орон нутгийн зүгээс огт  хийгдээгүй.  Малчид, иргэд ямар ч ойлголтгүй байна.

Өнөөдөр Тавантолгойн ордын нөхцөл байдал ямар байгаа вэ?

-Өнөөдөр Тавантол­гойн орд газарт гурван ком­панийн таван уурхай ажиллаж байгаа. Хүмүүс  гурван уурхай ажилладаг гэж ойлгодог. Гурав биш тав байгаа. Таван уурхай тутмаас өдөртөө 1000 гаруй тээврийн хэрэгс­лийн ачилт, 10 гаруй удаа­гийн  хөрс хуулалтын  тэсэлгээний ажил  хийгдэж байгаа. Энэ бүгдээс  асар их тоосжилт, тээвэрлэлт,  оршин суугчдын хөдөл­гөө­ний эрчим бий болж бай­на. Дээр нь эмх  зам­ба­раагүй байдал, байгаль орчны бохирдол, хи­мийн хорт бодисуудын агаар дахь дэгдэлтийн нөлөө­лөл хэрээс хэтэрсэн. Улаан­баатарын утааны гамшиг юу ч биш. Монголд хамгийн их гамшигт нэрвэгдсэн газар  бол Тавантолгойн орд газар, Цагаан хад ложистикийн төв, түүнийг дагасан 250 км-ийн зам дагууг нэрлэж болно. Бодит нөхцөл байдал ийм  байна. Том төсөл ярихаас өмнө эхний ээлжинд Монголын төр Тавантолгойн орд газар дээр одоо ашиглалтын үйл ажиллагаа явуулж байгаа таван уурхай, Тээвэр ложистикийн цогцолборын үйл ажиллагааг  байгаль орчин, хүн ардад  хор нөлөөгүй  уул уурхайг дэлхийн стандартын түвшинд нийцүүлж зөв голдрилд оруулах ёстой.

Бид Тавантолгойд  гурван  уурхай байгаа гэж  л ойлгодог. Гэтэл та тав гэж хэллээ.  Түүнийгээ нэрлэхгүй юу?

-Орон нутгийн уурхайн 4, 8 дугаар ам, “Эрдэнэс Тавантолгой”-н Баруун Цан­хийн болон Зүүн Цан­хийн ам, “Энержи Ресурс”-ийн Ухаа худагийн  уурхай байгаа.

Одоогийн нөхцөл бай­далд Өмнөговийн иргэдийг аж­лын байраар хангасан нааш­тай шийдлүүд  юу байна?

-Тавантолгойн таван уурхайн  3000 орчим ажлын байранд Өмнөговиос 300 хүрэхтэй үгүйтэй хүн л ажилладаг. Бусад нь Улаанбаатараас ирэн очин  ажилладаг хүмүүс бий. Одоо байгаа дүр зураг ийм учраас өмнөговьчууд энэ том төслөөс эерэг дүр үр дүн хүлээнэ гэдэг хэцүү.

Энд ойлголтын нэг зөрүү байх шиг. Эрх баригчид Тавантолгойг цогцоор нь ашиглана гэж хэлдэг. Жирийн иргэд  цогц гэдэг нь орон нутгийнхны эрх ашгийг хангасан,  том бүтээн байгуулалт, үйлдвэр аж ахуйн төвүүд байгуулсан, нүүрсийг дагасан бусад баялгийг үр өгөөжтэй,  зөв зохистой ашиглана гэж ургуулж бодоод байна. Та юу гэж харж  байна?

-Цогцоор нь  ашиглана гэж хэлж, ярьж байгаа энэ  үг тийм  үнэмшилтэй биш юм. Налайхаас “Портер”-оор нүүрс ачаад “Цайз” зах дээр авчирдаг байдал,  Тавантолгойгоос вагонд нүүрс аяаад Хятад руу гаргах хоёр адилхан. Өнөөгийн  Засгийн газрын  Ц.Дашдорж сайдаар ахлуулсан 18 гишүүнтэй ажлын хэсэг зөвхөн нүүрсээ л маш хурдацтайгаар  их хэмжээгээр зөөх болхи сэтгэлгээний түвшинд хэлэлцээр явуулж  байгаа дүр төрх харагдаж байна. Нүүрсийг их хэмжээгээр хурдан зөөхийн тулд төмөр зам хэрэгтэй болсон. Тийм учраас төмөр замаа мега төсөл гэж нэрлэн  дагалдуулаад  оруулж ирж байгаа. Ердөө үүнээс цааш сэтгэлгээ, үйлдвэр технологи, аж үйлдвэрийн түвшинд, бүс нутгийн нийгэм эдийн засгийн хөгжилд дорвитой нөлөөлөхүйц дагалдах дэд бүтцийн салбар, чиглэлүүд огт яригдахгүй,   дурсагдах ч үгүй  байна.

Эцэст нь асуухад та  сая   орон нутгийн иргэдийн бодол санаа, нутгийн зөвлөлөөрөө дамжуулан илэрхийлж байгаа нийтлэг байр суурийг голлож ярилаа. Тавантолгойн орд газрын тухайд таны хувийн ойлголт, байр суурийг сонирхоё?

-Тавантолгойн орд газар гэдэг  миний ойлгож байгаа, надад буй мэдээллээр 1978 оны гуравдугаар сарын 7-ны өдөр Улаанбаатарын геологийн удирдах газрын  хайгуулын III ангийн дарга Д.Санчин, ерөнхий инженер Д.Намжил нарын хүмүүсийн  анх шав тавьж, 630 мянган хүн/цагийн хөдөлмөр  хийж, 14 жил ажилласан үндэсний геологичдийн нөр их хөдөлмөр бүтээлийн үр дүнд үнэ цэнэ нь бий болсон үндэсний  стратегийн ганц орд гэж үздэг. Стратегийн 15 ордоос   үндэсний мэргэжилтнүүд 100 хувь арга аргачлал, эрэл хайгуул, тайлан хамгаалал, нөөцийг тогтоож эрдэс баялгийн комисст  хүлээлгэж өгсөн цорын ганц орд бол Тавантолгойн коксжих нүүрсний бүлэг орд газар юм. Монголын үндэсний геологийн салбарынхны  бахархал, брэнд болсон ийм орд газрыг салбарын хүрээнд ажиллагсдын тал талын байр суурийг сонсохгүйгээр зөвхөн нүүрсийг түргэн зөөж зарна гэсэн байдлаар шийдэх нь учир дутагдалтай гэж бодож байна. Энд төр, засгийн мэргэн ухаан гарах байх гэж өмнөговьчууд найдаж байгаа.

zahialga_700x700


Манай сайт танд таалагдаж байвал LIKE хийгээрэй. Танд баярлалаа.

Холбоотой мэдээ

No Related Posts

5 Comments

  • Anonymous (December 26, 2016 1:36:05 pm )

    Эдийн засгийн алуурчид зохиож УИХ-д тулган хүлээлгэж батлуулсан “Ашигт малтмалын тухай” хуулийг үндсээр нь өөрчлөөгүй цагт Оюутолгойн төсөл Монгол орныг улам бүр өрөнд оруулах нь дамжиггүй.

  • Anonymous (December 26, 2016 1:36:24 pm )

    Ашигт малтмалын ордыг ард түмэн 100 % өмчилж, төр 100 % эзэмшиж, хөрөнгө оруулагч 100 % ашигладаг. Олон улсын уул уурхайн эрх зүйн дагуу ашигт малтмалын ордыг ашиглах гэрээний үндсэн 3 төрөл байна. Үүнд: 1-рт, Роялти болон татварт үндэслэгдсэн концессын гэрээ. Энэ гэрээний үед хөрөнгө оруулагчид 12 хувийн хамгийн өндөр роялти ногдуулдаг. Роялти авна гэдэг нь мөн чанартаа ашигт малтмалын ордыг үнэлж, үнийг нь хөрөнгө оруулагчаас сар бүр суутган авах үйл ажиллагаа юм. Концессын гэрээний үед хөрөнгө оруулагч хайгуул хийх, уурхайг барьж байгуулах, олборлолт хийх бүх зардлыг гаргадаг. 2-рт, Бүтээгдэхүүн хуваах гэрээ. Бүтээгдэхүүн хуваах гэрээний үед хөрөнгө оруулагч хайгуул хийх, уурхайг барьж байгуулах, олборлолт хийх бүх зардлыг гаргаад олборлосон бүтээгдэхүүнээ хөрөнгө оруулагч, төр хоёр тэнцүү хэмжээгээр хувааж аваад тус тусдаа худалдан борлуулдаг. 3-рт, Уурхайн түлхүүр хүлээлгэн өгөх гэрээ. Уурхайн түлхүүр хүлээлгэн өгөх гэрээний үед хөрөнгө оруулагч хайгуул хийх, уурхайг барьж байгуулах бүх зардлыг гаргаад бэлэн болсон уурхайг төрийн өмчийн уул уурхайн компанид хүлээлгэн өгөөд гаргасан зардлаа тухайн уурхайн бүтээгдэхүүний борлуулалтын орлогоос нөхөж авдаг. Нэг ордод энэ 3 төрлийн гэрээний алийг нь ч хэрэглэхэд улсын төсөвт орох орлого адил хэмжээтэй байх зарчмыг баримтладаг байна. Энэ эрх зүй нь дотоодын болон гадаадын хөрөнгө оруулалттай уул уурхайн бүх компанид адил үйлчилдэг байна. Манай ашигт малтмалын хуулийг олон улсын уул уурхайн энэхүү эрх зүйд нийцүүлэн үндсээр нь өөрчлөх шаардлагатай байна. Үүнийг УИХ нэн яаралтай хийх хэрэгтэй байна. Ингэвэл уул уурхайг тойрсон эцэс төгсгөлгүй маргаан, хардалт, улстөржилт, Монголын газрын баялагийг дээрэмдэх үйл ажиллагаа нэг мөр цэгцлэгдэнэ.

  • Anonymous (December 26, 2016 1:36:55 pm )

    Ардчилал, даяарчлал, олон ургалч үзэл, олон намын систем, залуу улс төрч, төр муу менежер, сонгуулийн хар машин, гуравдах хөрш, чөлөөт зах зээл, өмч хувьчлал, хувийн өмч, эрх чөлөө, ашигт малтмалын ордын лиценз, лицензийн наймаа, гадаадын хөрөнгө оруулалт энэ бүхэн чинь буурай хөгжилтэй орнуудын газрын хэвлийн болон бусад баялагийг дээрэмдэж авахын тулд гадаадын эдийн засгийн алуурчдын нарийн бодож боловсруулсан, Африк, Латин Америк, Ойрхи дорнодын орнуудад олон жил туршигдаж, хэрэгжсэн нарийн арга, технологи юм. Гадаадын эдийн засгийн алуурчид энэ технологийг 1990 оноос Ардчилал нэрээр Монгол улсад нэвтэрүүлж, амжилттай хэрэгжүүлж эхэлсэн. Энэ бузар технологийг Монгол улсад шууд гардан хэрэгжүүлэгч нь АН, туслан хэрэгжүүлэгч нь МАН юм. Энэ бузар технологийг Хятадууд 1990 онд Тэн-Ан-Миний талбайд шууд бут ниргэсэн, харин Оросод Путин гарч ирээд 2000 онд бут ниргэсэн. Гэтэл энэ бузар технологийг АН, МАН хоёр өнөө хүртэл уралдан хэрэгжүүлсээр байна. Монголчууд сэрэгтүн, ухаарагтун.

  • Anonymous (December 26, 2016 1:37:26 pm )

    Дэлхийн нэрт эдийн засагчид буурай болон хөгжиж байгаа улс орнуудын хөгжлийн загвар болох Конвергенцийн онолыг боловсруулан гаргасан. Конвергенцийн онолын мөн чанар нь капиталист, коммунист нийгмийн аль сайныг нь авч оновчтой хослуулах явдал юм. Капиталист, коммунист нийгмийн байгуулалын аль алин нь Адам Смит, Карл Маркс мэтийн дэлхийн суут ухаантнуудын бодож олсон нийгмийн байгуулалууд юм. Аль нэгийг нь хатуу баримтлах нь туйлширал юм. Уг онолоор бол буурай болон хөгжиж байгаа орнууд батлан хамгаалах, эрчим хүч, уул уурхай, боловсрол, эрүүл мэндийн салбараа хувьчилж болохгүй, гадаадын хөрөнгө оруулалт оруулж болохгүй, 100 хувь төрийн мэдэлд байлгах ёстой гэж үзсэн. Эс тэгвэл газрын баялагийг нь гадаад, дотоодын эдийн засгийн алуурчид дээрэмддэг, улс төрчид болон хүн ард нь боловролгүй, хүмүүжилгүй, ёс суртахуунгүй зэрлэг, бүдүүлэг, шуналтангууд болж хувирдаг, ард түмэн нь өвчин эмгэгт баригддаг болохыг нотолсон. Монгол орон минь дэлхийн нэрт эдийн засагчдын заасан замаар бус, гадаад дотоодын эдийн засгийн алуурчдын заасан замаар замнаж байна. Болгоомжлогтун, сэрэгтүн.

  • Anonymous (December 26, 2016 1:38:11 pm )

    Үндсэн хуулийг өөрчлөх, УИХ-ыг хоёр танхимтай болгох, Үндсэн хуулийн цэцийн эрх хэмжээг нэмэгдүүлэх, Ерөнхийлөгчийн эрх мэдлийг хязгаарлах, УИХ-ын гишүүн өөр албан тушаал хашихыг хориглох, олон намын системыг хориглох, төрийн яам агентлагт үндсэн үйлдвэрлэлд ажиллаагүй, 40-өөс доош насны хүмүүсийг ажиллуулахыг хориглох, боловсрол, эрүүл мэнд, эрчим хүч, уул уурхайн салбарт гадаадын болон хувийн хөрөнгө оруулахыг, хувьчлахыг хориглож зөвхөн төрийн өмчит хэлбэрээр ажиллуулах, эдийн засгийн бусад салбарыг чөлөөт зах зээлийн зарчмаар ажиллуулах өөрчлөлтүүдийг Үндсэн хуулиндаа оруулвал дотоодын улс төрийн тэмцэл аяндаа эцэс болж Монгол сэхнэ, сэргэнэ.

antalya rent a car