Зөв боловсон, соёлтой бас хариуцлагатай байж чадахгүй бол үйлчилгээний байгууллага гэж нэрлүүлэх утгагүй. Тэрдундаа хүүхдэд үйлчилгээ үзүүлж байгаа газрын тухайд хариуцлагатай байх ёстой. Хүүхдийн аюулгүй байдалд санаа зовдог байх учиртай. Гэтэл “Аz mall” тоглоомын төвийн ажилтнуудын хувьд хүүхдүүд тус төвд нь тоглож байгаад гэмтэж бэртэх асуудал огт хамаагүй бололтой юм. Учир нь нэгэн  эмэгтэй фэйсбүүкийн “Mommy central” группт дараах зүйлийг нийтлэжээ.

Тэрбээр “Хүүхдээ тоглуулах гэж бодож очсон биш хүүхдээ гэмтээгээд дээрээс нь баахан доромжлуулж аваад гарч ирлээ. Энэ “Аз молл” нээрээ арай ч дээ. Хүүхдээ тоглуулж байгаад 00 ороод ирэх хооронд миний хүүг өөр хүүхэд машинтай гулсуур дээрээс уруудаж ирээд уруулыг нь цохиод хаячихсан нөгөө хүүгийн ээж нь миний хүүг тэвэрчихсэн сандраад зогсож байхад тоох ч юмгүй хэдэн ажилчид нь гэж нээрээ үнэхээр харилцааны соёл, ухамсар гэж юу ч байхгүй. Хүүг минь мөргөсөн хүүгийн ээж нь одоо яанаа би яахуу гэсэн чинь “Аз молл”-ын менежер нь “та яахчгүй зүгээр хүүхдээ тоглуул тоглуул” гэснээ намайг хүүхдээ харж байхгүй юугаа хийж байсан юм нтр гэхээр нь та нар бас харах ёстой юм байгаа биздээ би 00 орчихоод л ирсэн шдээ гэсэн чинь “Бид нар харж чадахгүй, харах албагүй, заргалдах газраараа заргалдаад олох юмаа олоорой гэнээ. Нээрээ арай ч дээ гэхээс өөр хэлэх үг даанч олдохгүй байна. Хүүгээ авч гэмтэлийн эмнэлэгт аваачиж үзүүлээд уруулынх нь дотор талд 2 оёо тавиуллаа. Хүүхдүүд нэг нэгнийгээ санаандгүй гэмтээж болох ч “Аз молл”-ынхон ядаж уучлаарай гэж хэлж болно доо. . . #Гэнээ  Найз охины маань хүүхэд шүү дээ” хэмээн постолсон байна.

 Эцэг эхчүүд хүүхдээ харах үүрэгтэй нь үнэн. Гэхдээ үйлчилгээний байгууллагын ажилтнууд хүүхэд гэмтчихээд байхад бид харах албагүй гээд томорч байна гэдэг бол дэндүү харамсалтай хэрэг юм.

Эх сурвалж:Шуурхай.мн