Энэ жил улсаа төлөөлж Дэлхийн миссийн тавцанд  эх орныхоо нэрийг цуурайтуулахаар АНУ-ыг зорьсон мисс А.Баярцэцэг маш амжилттай яваагаа сошиалаар үзэгчиддээ үргэлж мэдэгддэг. Тэгвэл түүний дараагийн сайхан мэдээ дэлхийн алдарт Диснейн кино компаниас “Мулан” уран сайхны кинонд тоглох хүсэлт хүлээж авсан мэдээ юм. Монголжуу төрхтэй түүнийг аль хэдийн өөр улсын уран бүтээлчид онцлоод эхлэв бололтой Энэ талаар манай улсын уран бүтээлч болоод үзэгчид хоёр өдрийн туршид мөн л талцаад амжсан нь харагдав. Найруулагч А.Миеэгомбо өөрийн цахим хуудастаа Хүннү гүрний дайчин өвөг дээдэс, Шаньюг Хятадын охин Хуа Мулан хэдэн найз залуустай нийлж байгаад ялчихдаг үзэл суртал, шалихгүй явсан жижиг улсууд мөнгөөр зодон ядуу түүхээ агуу мэт хувиргасан кино хийж дэлхийгээр нэг цацдаг болсон өнөө цагт Монголчууд бид эх түүхээ мэддэг, түүнийгээ хамгаалдаг, түгээн дэлгэрүүлдэг байх ёстой гэж бичсэн бол түүнд амжилт хүсч дээрх үзэл бодлыг эсэргүүцсэн хэсэг бас байгаа юм. Ямартайч дүр сонгон шалгаруулалтанд мисс маань оролцохоо мэдэгдсэн ч цаашид кинонд тоглох үгүй нь тодорхойгүй байна.

Эх сурвалж: Шуурхай.мн