Колумбын нутагт осолдсон Бразилын нисэх онгоцны ослын шалтгаан тодорхой болж, шатахууны сав цоорч, гоожсоноос хөдөлгүүрт доголдол гарч уулын бэлд унасан байна. Ослын дараа шинжээчид хар хайрцагны бичлэгийг задалж сонсоход нисгэгчид “Шатахуун хангалттай биш учир цахилгааны дутагдал үүсч байна. Ойролцоо нисэх талбай байгаа эсэхийг яаралтай нягталж үзнэ үү, газардах зөвшөөрөл хүсч байна” хэмээн радарт удаа дараа тусламж хүсч байжээ. Харамсалтай нь тэднийг хэн ч сонсоогүй юм.

Онгоцны түлш тасалдаж эхэлмэгц, онгоц өндрөө алдаж хурдтай доошилсон учраас радиа долгион хүлээн авах боломж хязгаарлагдаж эхэлсэн байна. Онгоцонд 77 зорчигч явснаас ердөө 6 нь амьд үлдсэн билээ.

Эх сурвалж:Times.mn