Далай ламын Монгол Улсад хийсэн номын айлчлалын дараа БНХАУ-аас дахин мэдэгдэл гаргасан. Түүнчлэн тус улсын хэвлэлд Далай ламын айлчлалыг зөвшөөрсөн Монголын талын алдаатай бодлого Хятад-Монголын улс төрийн суурь харилцаанд сэв суулгаж, хоёр талын хамтын ажиллагааны хөгжилд сөргөөр нөлөөллөө. Тиймээс Хятад улс Монголын талаас Хятадын суурь ашиг сонирхолд хүндэтгэлтэй хандаж, алдаатай үйлдлээс бий болсон сөрөг нөлөөг арилгах арга хэмжээ аван, Хятад-Монголын харилцааг хэвийн түвшинд нь буцааж оруулахыг шаардаж байгаа гэх агуулгатай мэдээллүүд гараад байгаа.

Тэгвэл өмнөд хөрш нэлээд ширүүн зан гаргаад эхэллээ. Юу гэхээр БНХАУ Монгол улсаас авах уул уурхайн бүтээгдэхүүний татвараа нэмэх шийдвэрийг  арваннэгдүгээр сарын 22-ны өдөр гаргасан бөгөөд тус шийдвэр нь өнөөдрөөс хүчин төгөлдөр мөрдөгдөж эхлэх аж.

Хэдийгээр энэ шийдвэр нь  Ганц мод боомтод хамааралтай ч,  Монгол Улс жилд 20 сая тонн нүүрсийг БНХАУ-д экспортолж байгаагийн тэн хагас нь буюу 10 сая тонн  нь  тус боомтоор дамжин Хятад улс руу гардаг. Тэгэхээр татварын нэмэгдэл манай тухайд чамгүй алдагдал  дагуулах асуудал хэдийнэ анхаарал татаж эхэллээ.

Эх сурвалж: Шуурхай.мн