“Гала” хамтлагаар олонд танигдсан дуучин Ч.Ану үргэлж л гуалиг явдаг нэгэн. Хэдийгээр гоо сайхны мэс засал хийлгэсэн гэдэг ч түүний биеэ авч явах байдлыг охид бүсгүйчүүд үргэлж сонирхдог. Тэгвэл тэрбээр жингээ хэрхэн барьдаг тухайгаа “Хэт их хоол хасаад, амттай зүйл идэхгүй байх ёстой гэсэн зүйл байхгүй. Хоол сойж жин барих нь хүнийг их стресстүүлдэг. Ингээд стрессээс үүдэлтэй таргалалт үүснэ. Хүн өөрийн цусны бүлэгт тохирсон хоол хүнсээ хүссэн үедээ идэж байх хэрэгтэй. Би жимс ногоо, тахиа, загасны мах идэх дуртай учраас өөрийн дуртай хоолоо хийж иддэг. Зун хөдөө амралт зугаалгаар явахдаа уламжлалт хоол хүнсээ хэрэглээд л явдаг. Жингээ бариад л заавал тэдэн кг байх ёстой гэсэн хатуу шаардлага өөртөө тавьдаггүй. Өөрийнхөө зөв гэсэн зүйлийг идээд, өөрийн өдөр тутмын хэмнэлээрээ амьдардаг. Төрчихөөд жин хассанаа бахархаад бусдад яриад байх сонирхолгүй. Тэртэй, тэргүй эмэгтэй хүн төрөөд л хүүхдээ хөхүүлээд, амьдралын зөв хэмнэлтэй байхад амархан турчихдаг. Мөн жирэмсэн байх үедээ хүүхдийнхээ жинг хэт их биш, хэт бага биш байлгаж, хянах хэрэгтэй. Мөн надаас олон хүүхэд төрүүлчихээд, сайхан биеэ авч яваа эмэгтэйчүүд олон байдаг шүү дээ. Эмэгтэйчүүд жирэмсэн байх үедээ олон талын мэдлэгтэй байх ёстой. Ядаж л хэвтээд байвал жин нэмэгдчихнэ” хэмээн ярьжээ.