Нас нэмсэн ч үргэлж гялтганаж гэрэлтэж явдаг хошин урлагийн анхдагчуудын нэг бол яалтчгүй МУГЖ Л.Чаминчулуун юм. Амьдралынхаа бүхий л цаг хугацаа мөч бүрийг урлаг тэр дундаа хошин урлагт зарцуулсан гэвэл хэн ч маргахгүй биз. Тайз дэлгэцийн тоймгүй олон уран бүтээлд дүрээ мөнхөлж, урлагийн тогоонд дөнгөж орж буй хүүхдүүдэд багшилж зааж сургах гээд урлагт хүчин зүтгэсэн олон жилийн нөр их хөдөлмөрөө үзэгч түмнээ тайлагнах гэж байна. Энэ сарын 26-нд МҮЭ-ийн Соёлын Төв Ордонд “Инээдмийн цацал” хошин шоу инээдмийн цэнгүүн ганцхан удаа тоглогдох бөгөөд тус цэнгүүнд урлаг соёлын томоохон төлөөлөгчид оролцож үзэгч түмнээ баясгах юм. Гавъяатынхаа час хийсэн хоолой, тас хийсэн инээдийг санасан үзэгчид нэгэн үдшийг баяр баяслаар дүүрэн өнгөрүүлэхээс гадна азтан болох боломжтой юм. Энэ үдэш нийт 9 азтан тодруулах бөгөөд Итгэлт хамбын аялалд 1 үзэгч, манжуурын аялалд 1 үзэгчийг тус тус тодруулах юм байна.

Эх сурвалж:Шуурхай.мн