Сүүлийн үед хошин урлагийнхан хоорондоо холио солио хийж уран бүтээлүүдээ туурвих болсон нь үзэгч олны анхаарлыг нэлээд их татсан билээ. Хэвлэл мэдээллийн хэрэгслүүдээр  одоог хүртэл жиг жуг гэлцгээж, тэр ч хамтлагаасаа хөөгдлөө, энэ нь ч хамтлагаасаа урвалаа гэх мэт мэдээллүүд ар араасаа хөвөрсөөр. Тэгвэл хошин урлагийн акулууд гэгдэх Бооёо Аглуу хоёр Андууд2 тоглолтондоо жүжигчин Д.Оюунтуулыг оролцуулан тоглуулж түүний дараагаар “Яг тэрэн шиг” шоу тоглолтондоо ч мөн адил урьсанаас үзэхэд Бооёо сэргэлэн цовоо Туулыгаа ойрын хугацаанд “жийхгүй” нь бололтой.

Дуулианы эздийн нэг болсон Ц.Алдармааг бусад уран бүтээлчдээс илүүтэйгээр ихэд дэмжсэн МУГЖ Хүрэлхүү Ядуугийн зовлон-2 УСК-нд тоглуулсан. Тэрээр хамгийн сүүлд өгсөн ярилцлагандаа ” Цаашид дэлгэцийн уран бүтээлүүд дээрээ түлхүү ажиллах болно” хэмээн хуучилсан цаг саяхан билээ. Залуу жүжигчин Ц.Алдармаа завсар зайгүй шинээр төрөх уран бүтээлүүд дээр ажиллаад байна уу? эсвэл урлагийн карьер нь энэ чигтээ төгсгөл болов уу? Ямартайч хамтлагийн ахын сонголт энэ удаад сошиал хэрэглэгчдийг хооронд нь нэг сайн талцуулаад авлаа.

Эх сурвалж: Шуурхай.мн