Хууль зүйн байнгын хорооны хуралдаанаар өнөөдөр Эрдэнэтийн асуудлыг дахин ярилцах байгаа. Өчигдрийн тухайд Ч.Сайханбилэг, О.Орхон нар оролцсон байгаа. Тэд зөв зүйтэй зүйл хийсэн гэж ярьцгаасан. За харин сүүлийн үед Эрдэнэттэй холбоотой асуудлыг байнга хэлж ярьж байгаа Ц.Нямдорж хэлэхдээ  “-Үүний цаана байгаа нууц хүнээ гаргаад ир. Үхэхээсээ наана тэр хүнийг чинь үзмээр байна. Тэр Д.Эрдэнэбилэг гэдэг хүнийг чинь Монголын ард түмэн үзэг л дээ. Энэ ганц Эрдэнэт үйлдвэрийн асуудал биш. Бизнесийн ийм бүлэглэл төрийн толгойд гарч, хүссэн бүхнээ хийдэг болох уу гэсэн асуудал яригдаж байна. Ер нь бид өмнө нь Худалдаа хөгжлийн банкнаас долоон дор засгийн газартай байсан юм байна гэдэг нь өнөөдөр ойлгогдлоо. “Ростех”-ээс нэг бичиг явуулснаар Монголын засгийн газар бүх шаардлагыг нь биелүүлсэн байгаа юм. Ингэж болох уу. УИХ-аас бүрдэх ажлын хэсэгт АН-ын гишүүдээс оруулсан нь дээр. Дээр нь О.Баасанхүү, С.Жавхлан нарыг ч оруулах хэрэгтэй. Монгол хүний сэтгэлээр улстөржилгүй энэ асуудлыг шийдмээр байна. Орхоон, чи их том байна аа. Цаанаа том хүчтэй болохоор чи ингэж  чанга дуугарч байгаа юм” гэсэн бол Ө.Энхтүвшин гишүүн” -УИХ-аас энэ асуудлаар ажлын хэсэг гаргах нь зүйтэй. Улстөрийн намуудын төлөөллүүдийг оролцуулсан ажлын хэсэг богино хугацаанд энэ асуудлыг нягтлах хэрэгтэй. Засгийн газраас байгуулагдсан ажлын хэсэг шиг энэ асуудал дээр удаан сууж болохгүй. Ингэж байж УИХ, ард түмэнд мэдээллэх хэрэгтэй гэж бодож байна. “Эрдэнэт үйлдвэр”-ийн 49 хувийг Худалдаа хөгжлийн банк авч болно. Авч болохгүй гэж ганцааранг нь хаагаад байгаа зүйл байхгүй. Хамгийн гол нь хуулийн дагуу явсан уу? УИХ-аар энэ асуудлыг оруулахаар, тэндээс ямар шийдвэр гарах вэ гэдэг нь чухал. Хэрвээ хууль зөрчсөн гэж үзвэл хүчингүй болгох асуудал яригдана. Үүнээс үүдээд дараагийн асуудлуудыг шийдэх хэрэгтэй болно.”  гэж байсан юм.

Эх сурвалж: Шуурхай.мн