Увс аймгийн Тэс сумын иргэд өнөө өглөө иргэний дайн болох шахжээ. Учир нь тус суманд Хятадууд газрын тосны хайгуул хийж, олборлохоор дайрахад нутгийн иргэд газар нутгаа хөндүүлж сэглүүлэхгүй гэсэндээ эсэргүүцэж, тэдний хооронд үл ойлголцол үймээн самуун болсныг сумын цагдаагийн хэсгийн төлөөлөгчид үймээнийг зогсоож тараасан байна.

Нутгийн иргэдийн ярьж буйгаар дээрх нэр нь үл мэдэгдэх Хятадын компани зөвшөөрөлгүй байх, зөвшөөрлөө үзүүлж харуулахгүй шууд дайрч, газар ухаж эхэлсэн хэмээн ярьж байгаа юм. Ийнхүү нутгийн газар шорооныхоо бүрэн бүтэн байдлын төлөө тэмцэж чадсан ард иргэд цаашид газраа ухуулахгүй, газрын тос олборлуулахгүй гэдэгтээ бат зогсож, тэмцэнэ гэдгээ илэрхийлжээ. “Гэтэл энэ үүссэн асуудал нь зөвхөн Тэс сумын асуудал биш тус аймгийн 18 сумаас 14 сумыг /Сагил, Түргэн, Тариалан, Өмнөговь, Өлгий, Наранбулаг, Малчин, Завхан, Хяргас, Тэс, Зүүнговь, Баруунтуруун, Давст/ зэрэг сумдуудын газар нутгийг хамарсан их том асуудал юм байна.

Иймээс Тэсчүүд бидэнтэй эх нутгаа гэсэн тэмцэлд Увсчууд та бүхнийг нэгдэхийг уриалж байна.

Өнөөдөр “Пума Эмпериал” зочид буудлын хурлын зааланд болох уулзалтанд сум сумын Нутгийг зөвлөлөөс төлөөлөлөө явуулж оролцуулахыг уриалж байна” гэж нутгийн иргэд бичжээ.

О.Сайхан