И.Ярыгиний нэрэмжит чөлөөт бөхийн “Алтан Гранпри” тэмцээнд эмэгтэйчүүдийн 58 кг-ын жинд П.Орхон Японы алдарт бөх Каори Ичог 10:0-оор хожиж, дуулиан тарьж байсан билээ. Алдарт Каори Ичогийн 158 (172 гэсэн статистик Дэлхийн бөхийн холбооноос гаргасан) дараалсан ялалтын цувралыг Монголын П.Орхон зогсоосон нь яах ч аргагүй томоос том дуулиан байсан. Тэрчлэн сая болж өнгөрсөн Рио-гийн олимпийн дэвжээн дээр П.Орхон домогт аваргатай дахин таарч барилдах магадлал өндөр байгаа гэгдэж байв. Гэсэн ч бүх зүйл өөрөөр эргэсэн билээ. За хари Каори Ичо  олимпийн дөрвөн  удаагийн аварга болсон билээ.  Тэгвэл домогт аварга бүсгүй нутгийнхаа хэвлэлд ярилцлага өгөхдөө Монголын П.Орхоны талаар үг хэлсэн байна. Тэрбээр “Тэр тамирчинтай энэ удаагийн олимпод таарчих юмсан гэж бодож байсан юм. Гэвч өөр хэсэгт хуваарилагдаад гарч ирж чадаагүй. Тэр охины ачаар би чөлөөт бөхийг дахин нэг удаа эргэж харахад хүрсэн. Түүнд талархаж байна.” хэмээн ярьжээ.