АТГ-аас МАХН-ын дарга Н.Энхбаярт энэ оны гуравдугаар сарын 21-ний өдөр албан бичиг хүргүүлсэн байдаг.  Тухайн үед АТГ-аас Төрийн ордонд нэвтэрч, гүйцэтгэх ажиллагаа явуулж, МАХН-ын дарга Н.Энхбаярыг баривчлахаар завдсан гэх мэдээлэл гарч байсныг АТГ-аас үгүйсгэсэн тайлбар хийж байсан юм. Тэгвэл өнөөдрийн тухайд гүйцэтгэх ажиллагаа хийгдэж байгаа эсэх дээр АТГ албан ёсны тайлбар хийх биз ээ.

Гуравдугаар сард АТГ-аас өгсөн тайлбартаа “АТГ-аас Төрийн ордонд ямар нэгэн гүйцэтгэх ажиллагаа явуулаагүй.Төрийн ордонд нэвтрэх эрхийн зөвшөөрөлтэй мөрдөн байцаагчид иргэн Н.Энхбаярт “Байцаан шийтгэх ажиллагаанд оролцуулах тухай” албан бичиг аваачиж өгсөн. Тодруулбал, тус албан бичигт “Иргэн Н.Энхбаяр таны байгаа газарт очиж, мэдүүлэг авъя” гэсэн агуулгатай. Иргэн Н.Энхбаярыг Монгол Улсын Эрүүгийн хуулийн 133.1, мөн 148.1,  148.4-т заасан гэмт хэрэгт сэжигтнээр татан шалгаж байгаа. Тиймээс хуулийн байгууллагын дуудсан цагт хүрэлцэн ирэх үүрэгтэй. Өнөөдрийг  хүртэлх хугацаанд АТГ-аас иргэн Н.Энхбаярт таван удаа зарлан дуудах хуудас хүргүүлсэн. Тодруулбал, 2015 оны хоёрдугаар сарын 26, 2016 оны нэгдүгээр сарын 18, хоёрдугаар сарын 17, 22 мөн гуравдугаар сарын 21-ний өдөр тус тус өгсөн”  гэж байсан. За харин өнгөрсөн сарын сүүлээр өгсөн мэдээлэлдээ нийт 6 удаа зарлан дуудах хуудас өгсөн гэж байв.

Эх сурвалж: Шуурхай.мн