Баян-Өлгийн аймгийн шадар гурав хэмээх нэрийг авсан гишүүд УИХ-д дөрвөн жил суухдаа санал бодлоо чөлөөтэй илэрхийлж чадалгүй хэлгүй юм шиг суусаар 4 дэх жилдтэйгээ золгосон. Баян-Өлгийнхэн гурван гишүүнээсээ амлалт нэхсэн аж.

Уг нь шадар гурвын нэг Х.Баделхан гишүүн УИХ-д гарахдаа тус аймагт Могойн голын гүүрийг барьж өгнө хэмээн амласан юм байна. Энэ амлалтаа биелүүлэх байх хэмээн нутгийн ард иргэд нь хүлээж байсан.

Гэтэл өмнө нь байсан гүүрийг бараг нураачихаад засалгүй өдийг хүрчээ. Түүний энэ ажил нэг ёсондоо нуухыг нь авах гээд нүдийг нь сохлов гэдэг болсон. Одоогийн байдлаар Могойн голын гүүр нурж унах аюултай болсон тул олон иргэд нэг дор эрсдэх аюултай болоод байгаа гэнэ. Уг нь Х.Баделхан гишүүн зам тээвэр барилгын ажлыг сайн ойлгох хүн.

Тиймээс дээрх гүүрийг ойрын хугацаанд барьж өгнө гэсэн амлалтаа биелүүлдэггүй юмаа гэхэд ядаж муудсан ч гэсэн өмнө байснаар нь болгохгүй бол хүн амины хэрэгт орж магадгүй болоод байгаа юм байна.

chuhal.mn