Ч.Сайханбилэгийн хэлж яриад байгаа “Сайн хувьцаа” хөтөлбөрийг санаачилж, сэдсэн хүн нь “Фортуна” Н.Батбаяр юм байна. УИХ-ын дарга З.Энхболд хэлэхдээ “Н.Батбаяр гишүүнээс 300 мянган төгрөгөөр иргэдээс хувьцаа  худалдаж авах санаачлага гаргасантай нь Засгийн газар санал нийлээд явж байх жишээтэй, иймэрхүү л юм бодож суудаг хүн л дээ. Хааяа л тэнгэр мэнгэр яриад явчихдаг болохоос бусдаар бол төрд хэрэгтэй хүн” гэж хэлж ярьсан бичлэг нь байж байна. Тэгэхээр Монгол Улсыг өрөнд оруулахад үнэтэй хувь нэмэр оруулсан хэрнээ Монгол Улс өргүй гэж хэлж яриад сууж байдаг Н.Батбаяр гишүүн “Эрдэнэс Тавантолгой”-н хувьцааг иргэдээс худалдаж авахын цаана чухам юу сэдэж байгаа нь сонин юм. Өмнөх өр ширээ төлж дийлэх эсэх нь тодорхой бус байхад дахиад бонд гаргаж, мөнгө олж хувьцаа авна гэж байгаа нь эрүүл саруул алхам мөн үү гэдэг асуулт яах аргагүй тавигдаж байна.

Ч.Сайханбилэг Н.Батбаярын санаачлагыг дэмжиж “Сайн хувьцаа” гэх хөтөлбөр хэрэгжүүлж, иргэдээс 1072 хувьцааных нь 30 хувийг худалдаж авахаар болсноо сонгуулийн өмнө зарлаж байгаа нь АН-ын нэлээд эртнээс төлөвлөсөн ажиллагаа байж таарах нь ээ.

Б.Тамир

Эх сурвалж: Шуурхай.мн