УИХ-ын 2016 оны сонгуульд Монгол Ардын намаас нэр дэвшигчдийн бичиг баримтыг өнөөдөр СЕХ-нд хүлээлгэн өглөө. МАН өнгөрсөн баасан гаригт Бага хурлаа хийж, УИХ-ын сонгуульд сойх гишүүдээ тодруулсан билээ. Тэгвэл холбогдох хуульд заасны дагуу морин цагт нэр дэвшигчдийнхээ материалыг СЕХ-нд бүртгүүлж байгаа аж. Энэ үеэр МАН-ын Ерөнхий нарийн бичгийн дарга Ж.Мөнхбат хэлэхдээ ” МАН хуулийг дээдэлдэг, хэрэгжүүлдэг үлгэр жишээ намын хувьд 76 нэр дэвшигчийн хувьд ямар нэгэн асуудалгүй. Хуулийн хүрээнд бичиг баримтыг нь эцэслэн бүрдүүлээд СЕХ-нд албан ёсоор бүртгүүлж байна. СЕХ хуульд заасан хугацаанд манай нэр дэвшигчдийг бүртгэж, сонгуульд оролцох эрхийг нь нээж өгнө гэдэгт итгэлтэй байна” гэлээ. МАН-ын Бага хурал өнгөрсөн баасан гаригт болж, тойрогт сойх гишүүдээ тодруулсан. Тэгвэл МАН-аас дэвшиж байгаа гишүүдийн 40 гаруй хувь нь залуучууд, 40 хүртэлх хувь нь шинэ нэр дэвшигчид байгааг ч энэ үеэр онцолж байлаа. Олон нийтийн зүгээс МАН залуучуудад итгэл хүлээлгэж, хариуцлагатай сонголт хийлээ гэсэн эерэг хандлагууд нэлээд гарч буй.
Ц.Тунгаа
Эх сурвалж: Шуурхай.мн
Холбоотой мэдээ
-
Мөнх-Од (May 30, 2016 4:28:35 pm )
Манай нам хамгийн түрүүнд бүртгүүллээ,улс орноо одоо манай нам аварна гэж л хуцана биз.Яаж ийм явуургүй үзэл бодолтой байж чаддаг байна.Ийм байхад яаж төрийн эрхийг барих гээв.Амжихгүй л байх.
-
Иргэндоктор (May 30, 2016 5:29:55 pm )
Мөнхбат өөрөө яруу найраг болор цом гэж явж байсан болохоор Г.Мөнхцэцэгийг Говьсүмбэрт лобби хийж дэвшүүлж дээ.МАН л лав Говьсүмбэрт нэг суудлаа алдсан.Энэ удаагийн Их хурал яруу найрагч дуучин,бөх,тамирчнаар дүүрэх нь үү,арай үгүй байгаа даа.Уг нь Маш сайн хуульч,доктор проффесор,эдийн засагч,санхүүгийн хүмүүс л хэрэгтэй ш дээ.Урд өмнө нь дан бизнесийн хулгайч луйварчид байсан.Яг л Амаржаргал шиг хүмүүс хэрэгтэй ш дээ
-
Бичээч (May 31, 2016 10:10:42 am )
Дорнодоос нэр дэвшиж буй ГУРИЛЧУЛУУН өнгөрсөн хугацаанд аймаг орныхоо төлөө дуугарсан уу. Юу хийв. Хэдэн дүү нар ойр дотныхоо хүмүүсийг л өөд нь татсан..Энэ хүн Сэлэнгэ аймгийн НОЁН уулаас дэвших ёстой баймаар. Халхголын газар нутгийг өөртөө ашигтайгаар чөлөөт бүс болгох төсөл бариад гүйж яваа энэ нөхөр ДОРНОДЧУУДААР тоглож ханах болоогүй юу.
3 Comments