Сүүлд хамтлагаасаа гарч байгаагаа ярьж, зарим нэгнээс зэмлэлийн үг сонсоод авсан дуучин Т.Дэлгэрмөрөнтэй хэдэн жилийн өмнө “Сайхны өмнө харц буруугүй” сэдвээр ярилцаж байлаа. Тухайн үед тэрээр “хүн гээч бурхны бүтээлийг сайхан авч явах нь хүний үүрэг. Сэтгэл гадаад үзэмж нийцэж гэмээж нь сайхан гэх тодотголыг бий болгоно. Хүн өөрийгөө  л магтаж, өөртөө гайхамшгийг бүтээж байж бусдад тусыг хүргэнэ. Тэрнээс тэр тарган туранхай, өндөр нам байх нь хэнд хамаатай юм. Хүн амьдралаас яаж гоо сайхны таашаал авч байна түүгээрээ өөрөө өөрийгөө дүгнэдэг” гэж ярьсан юм.  Цааш нь түүний ярианаас уншигчдад хүүхнүүдэдээ аминчлан дуулгахад нэг л амьдрах энэ хорвоод бүсгүй минь чамайг хэн нэгэн өвтгөж бас зовоогоод байвал уучлаад дараа нь “bye”гээд эргэж харалгүй ирээдүй өөд алх. Харин чамайг уйлуулж гомдоож байсан хэн нэгнийг ичтэл сайхан амьдрах хэрэгтэйг сануулсан нь бий.

Нэмж сонирхуулахад түүнийхээр бэлхүүс, өгзөг нь тэгш, нүүрний хувирал сайтай, ярих гэж байгаагаа илэрхийлж чаддаг бол төгс эмэгтэйгээр хүлээн зөвшөөрөх аж. Харин өргөн тааз, бүдүүн шилбэ нэг л биш харагддаг гэдгээ ч нуугаагүй юм.  Бас нэг зүйлийг сонирхуулахад энэ эрчүүдийн анхааралд жижиг зүйл гэж байдаггүй бололтой. Бүүр хөлийг хурууг ч анзаарсан байдаг гэх бөгөөд зуны цагт сандаалын урдуур чихэлдсэн хуруу тийм ч аятайхан харагддаггүй гээд “аваад” л хаясан юм даа. Одоо харин түүний энэ бодол хэрхэн өөрчлөгдсөн бол?

А.ДӨЛ

PHOTONEWS.MN