Охидын хамтлагаас хамгийн урт настай нь “Гурван охин” юм. Тэд бусад охидын хамтлагийн жишгээр тарж салалгүй өнөөг хүрсэн байх ажээ. Тэдний дараа Ангирмаагийн “исгэлэн охид” нэрлэгдэх бизээ.

Хөгжим бүжгийн жаахан охид байхаасаа л  дуулж эхэлсэн “Гурван охин”-ыхон сүүлийн үед чимээгүй  байх нь зарим нэгэнд  хүлээлт үүсгэх бололтой. Үе үехэн аль нэг тоглолтон дээр дуулсан шигээ харагдах болж. Гэхдээ сингл бүсгүйчүүд “мода”-наас гарч байсангүй. Гоо сайхны мэс заслын ширээнээс төрсөн Сологийн шинэ стайл, Анхмаагийн хөөрхөн төрх, Анугийн гоё бие гээд л.

Хамтлагийн хамгийнаас гэхэд Ану тайван, Анхмаа цоглог, Соло няхуур. Цааш нь үргэлжлүүлбэл инээд муутай нь Соло, чанга дуутай нь Анхмаа, дурламтгай нь Ану гэж нэрлэдэг юм билээ. Эндээс дурламтгай Ануд цорын ганц шалгуур бий аж. Түүнийхээр “зүрх сэтгэлийг хөдөлгөж чадах хүн л хэрэгтэй. Тэрнээс заавал тийм, ийм ажил хийдэг, тийм царай зүстэй гэж томъёолох нь хаашаа юм. Ер нь хүний зүрх сэтгэл гэдэг төлөвлөсний дагуу ирдэг зүйл биш гэдгийг ойлгох хэрэгтэй” гэнэ лээ.

А.ДӨЛ

PHOTONEWS.MN