“Эмоушн” хамтлаг хоёр жилийн өмнө нутагтаа ирж тоглолтоо хийн АНУ, Монгол хоёрын хооронд ирж очин байжээ. Харин энэ жилээс эх орондоо суурьшихаар шийдсэн гэнэ. Чинбаа, Сарнай хоёр охинтой болж хаус худалдан авч төвхнөжээ. Харин Сүндэрээ, Ганболор хоёр ээж,аавтайгаа амьдарч байгаа аж. Удахгүй хурааж цуглуулсан мөнгөөрөө орон сууц худалдан авч тусдаа амьдрахаар төлөвлөсөн гэнэ. Түүгээр ч зогсохгүй гадаадад амьдарч байгаа залуучуудыг эх орондоо ирж хийж бүтээ хэмээн уриалах юм гэнэ лээ. Эмоушн хамтлагийн охид дандаа эрэгтэй найзуудтай аж. Матрикс салоны эзэн, үсчин Баачкатай олон жил нөхөрлөж байгаа юм байна. Монголд ирээд л үсээ Матрикс салоноор янзлуулдаг юм байх. Харин Баачка “Амирлан” хэмээх үсний шампунь худалдаанд гаргаад байгаа гэнэ. Түүнийхээ рекламд Эмоушн хамтлагийнхныг тоглуулжээ.
Ган болор Баачкагийн “Амирлан”  шампунь ямар гоё гээч, үс зууралдахгүй гээд амаа олохгүй магтаж явна гэнэ лээ. Найзууд нь түүнийг цаашлуулж Баачка та хоёр “Амирланг” төрүүлжээ гэж тоглоом шоглоом болгодог гэнэ.

Х.Бадмаараг times.mn