Дархан-Уул аймгийн Ардчилсан нам хоёр даргатай түүнийгээ дагаад хоёр тамгатай нь сонгогч олон түмнийг будилуулж гүйцлээ.Энэ асуудал нь “Сонгуулийн тухай “хуулийн” 121-2”-д заасан “Сонгуульд оролцох хүсэлтэд нам,эвсэлийн дарга гарын үсэг зурж баталгаажуулна” гэсэн заалт Дархан-Уул аймгийн тухайд ноцтой зөрчигдөж,маргаантай байдал буюу хүчин төгөлдөр бус гарын үсэг сонгуульд оролцох хүсэлтд зурагдаж,хүчингүй тамга дарагдах магадлал өндөр байна. Ийм байдлаас гарахын тулд Дархан-Уул аймгийн Ардчилсан Намын жирийн гишүүд намын төв байрандаа очиж суулт хийж өлсгөлөн зарласан тухай мэдээ мэдээлэл олон нийтийн мэдээллийн хэрэгсэлээр цацагдаж эхэллээ. Дархан-Уул аймгийн Ардчилсан намд үүссэн намын удирдлгын будилаан ,намын тамганы жинхэнэ эзэн тодортол Улсын Их Хурал болон Аймгийн Иргэдийн Төлөөлөгчдийн Хурлын сонгуульд оролцуулах эсэх асуудлаар Монгол Улсын Сонгуулийн Ерөнхий Хороо,Үндэсний Аудитийн Газар хянаж, бүртгэхээс татгалзах нь шударга үнэнд нийцэх болов уу

Эх сурвалж: Шуурхай.мн Сайханбаяр