Үндсэн хуулийн Цэцээс жагсаалтыг Үндсэн хууль зөрчсөн гэсэн шийдвэрийг гаргасан. Энэхүү шийдвэрийг УИХ-аас хүлээж авахаар намууд тохироод байгаа талаар хаа сайгүй шуугиж байна. Гэвч энэ нь жижиг намуудад маш халтай асуудал болж хувирах аж. Тэр тусмаа гишүүнчлэлээ өөрчлөн байж улс төрийн өөр хүчинд зүтгэхээ амлаад буй УИХ-ын гишүүн Г.Уянга, С.Ганбаатар нарын хувьд ёстой л “Их санасан газар есөн шөнө хоосон” гэгч болох бололтой. Угтаа бол мань нөхөд тухайн “шинэ” намдаа даргаар очоод жагсаалтын нэгдүгээрт бичигдэн “Дахин эргэж төрнө” гэдэг шиг парламентад тухлана гэж тооцоолж байсан биз. Харамсалтай нь тэдний таавар буруу тийшээ бууж, жагсаалтаар сонгогдох асуудал үгүй болж орхих нь. Тиймээс тойрогт очиж ёстой л “Нэгийгээ үзэж, нэхий дээлээ уралцаж байж” гарч ирэх шаардлага эрхэм гишүүдэд оногдов бололтой хөөрхий.

Эх сурвалж: Өглөөний сонин