Сүүлийн үед олны анхааралыг хамгийн ихээр татаж байгаа асуудал бол Мүүн. Энэхүү мөнгө босгох пирамид, шашны Гаж нөлөө олон түмний сэтгэлийг сэрдхийлгэсэн билээ. Энэ талаар фэйсбүүк хуудсанд Mongolian Family Church хуудсанд ийм тайлбар бичжээ. Тэдний бичиж байгаагаар бол дахин оршуулах зан үйлийг нэг хоёр л удаа туршсан юм байх. “2001 он, 2002 оны зуны семинарын 1 өдрийн хөтөлбөр”-т үүнийг туршсанаа хүлээн зөвшөөрчээ. Гэтэл энэ нь эргээд өөрсдийг нь илчлээд өгөх том баримт боллоо.

Тэд хүн булсан тухайгаа ийнхүү бичжээ. “Зүгээр л хүн булж үзмээр санагдаад хийгээгүй юм.

Ер нь залуу хүн үхэх талаар ойлголтгүйгээр амьдралдаа болчимгүй алдаа маш ихээр гаргадаг. Мөнх л амьдрах юм шиг. Гэтэл өөрийнхөө амьдралын төгсгөлийг нь төсөөлж үзсэнээрээ би амьдралдаа ямар буруу зүйл хийсэн, юунд харамсаж байгаа цаашдаа хэрхэн зөв амьдарлыг бүтээх талаар шинэ шийдвэр гаргах боломжийг үүгээр дамжуулан хийж байсан юм.” хэмээсэн байх юм. Манай улсад шашин шүтэх эрх чөлөөтэй байдаг. Гэтэл гадны ямар ч байгууллага ийм зан үйл хийж байсаныг сонсоогүй юм байна. Манай улс ардчилсан нийгмийн замд ороод 26 жил өнгөрч буй ч “Дуртай нэгэн Гаж нөлөөтөн Шашныхан” юу ч хийж болдогыг энэ хэрэг явдал харуулж байна. Манай улс хууль ёстой,  Үндсэн хуулиндаа “Хүмүүнлэг энэрэнгүй нийгэм байгуулна” хэмээн заасан байдаг. Гэтэл Чингисийн удам гэж цээжээ дэлдэхээс өөр юм хийж чадахгүй байгаа “Хөгжил дэвшил” гэдгийг таг мартсан Монголчуудын ядуу зүдүү байдлыг Харийн шашныхан ямар овжин ашиглаж байгааг бид нүдээ анин өнгөрөөсөөр байх уу??

МОНГОЛЧУУД БИД ЗАСАГ ЗАХИРГААТАЙ, ТӨРТ ЁСНЫ УЛАМЖЛАЛТАЙ УЛС ЮМСАН.

 Монгол дахь Мүүний шашны байгууллагаас өөрийн цахим хуудсаараа дамжуулан “Мүүний дахин амьдрал” гэдэгт албан ёсны тайлбар өгчээ.

Уг тайлбарыг засваргүйгээр хүргэе.

“НҮХЭНД БУЛШИЛДАГ ГЭХ – АЛБАН ЁСНЫ ТАЙЛБАР

Энэ үйлдэл нь Хүндэт Док. Сан Мён Мүүны сургаальд огт байхгүй, уламжлалт албан ёсны зан үйл биш юм. Тухайн семинарын хариуцагч энэ хөтөлбөрийг санал болгож хийгдэж байсан юм. Хөтөлбөрийг “Дахин амьдрал” гэж нэрлэж байсан. Энэ хөтөлбөр хэсэгхэн хугацаанд л хийгдсэн.

2001 он, 2002 оны зуны семинарын 1 өдрийн хөтөлбөр бөгөөд үүнээс хойш огт хийгээгүй болно!! Монгол хүний амьдралыг үзэх үзэлд таарахгүй, итгэгч нарын эсэргүүцэл байсан учраас энэ зан үйлийг хийхээ больсон. Монголын сүмээс өөр ямар ч оронд хийж байгаагүй юм.