Автомашин дотроос цогцос олдсон хэрэг дахин гарчээ. Энэ удаад хоёр газарт ийм хэрэг гарчээ.

Тухайлбал, Сонгинохайрхан дүүргийн 25-р хорооны нутаг дэвсгэрт автомашин дотор хүний цогцос байна гэх дуудлагыг энэ сарын 11-нд цагдаагийн байгууллагад өгсөн байна. Энэ дагуу шалгахад 67 настай Ж “Hyundai аccent” автомашин дотор угаартсан байдалтай ил харагдах гэмтэл шархгүй нас барсан байжээ.

Хэргийг Сонгинохайрхан дүүргийн цагдаагийн хоёрдугаар хэлтэст шалгаж байгаа аж. Мөн Хан-Уул дүүргийн дөрөвдүгээр хороо “Вива сити” хорооллын хойд байрны гадна хучлагатай автомашин дотор хүн нас барсан байна” гэсэн мэдээллийг шалгажээ. Гэтэл тус хороонд оршин суух 35 настай эрэгтэй Б нь “Toyota raum” хучлагатай автомашины жолооны ард ил харагдах гэмтэл шархгүй нас барсан байжээ. Хэргийг тус дүүргийн цагдаагийн хоёрдугаар хэлтэст шалгаж эхэлжээ.

О.Сайхан

Zaluu.com