Нэрт зохиолч Д.Урианхай Ардын уран зохиолч Б.Лхагвасүрэнгийн толгойлдог Соёл урлагийн газарт ажиллаж байгаад орон тооны цомхтголд орсон. Энэ үеэр хоёр нэрт яруу найрагч маань хэсэг УИХ-ын гишүүдтэй сууж ярилцжээ. Гэтэл УИХ-ын гишүүд “Урианхай гуай та ажлаасаа халагдсан гэнэ. Бид бас өөр зүйл бодож байгаа. Та түр гэртээ байж бай” гэж тал засчээ. Харин Б.Лхагвасүрэн гуай “Та нарын хүний төлөө санаа зовох ч яахав. Миний найз уран бүтээлээ хийгээд хэнээс ч илүү амьдарна. Харин та нар ирэх сонгуулиар сонгогдохгүй бол ёстой хийх ажилгүй гудамжинд гарна биз дээ. Энд суухаас өөр юу хийж чадах билээ” хэмээн ам руу нь алгадсан гэдэг.

С.БАЯР