Эдийн засаг хямарч байгаа энэ үед амар хялбар аргаар мөнгө олох гэсэн хүмүүс их болсон. Үнэндээ энэ нь амар хялбар гэхээсээ илүү таныг “аавын” хаалга татуулахад хүргэж байгаа хэрэг. 02.26 шөнө л гэхэд сүлжээ цайны газар болох “Шөлөндөө” тог тасарсан байх үед нь үүрийн 05.00 үед дээрэмджээ. Дээрэмчид нүүрэндээ баг зуусэн 20 гаран насны хоёр залуу байсан ба тухайн өдөр ээлжинд хонож байсан 42 орчим насны тогооч, 24 настай зөөгч нарын амыг нь скочоор боон хүлжээ. Тухайн өдрийн орлогыг дээрэмдэхээс гадна 24 настай зөөгчийг хүчирхийлсэн.

Одоогоор “Шөлөндөө”-гийн удирдлагууд мэдэгдэл хийгээгүй байгаа бөгөөд охины биеийн байдал ямар байгаа талаар мэдээлэл өгсөнгүй. Эмнэлгийн үйлчилгээ авч байгаа гэсэн сураг байгаа. Тухайн гэмт хэрэг хийсэн этгээдүүдийг Сүхбаатар дүүргийн хоёрдугаар хэлтэст эрүүгийн хэрэг үүсгэн шалгаж байгаа аж.

Эх сурвалж: Ugluu.mn