Сүүлийн үед манай залуучууд хөдөлмөрлөж мөнгө олохоос илүүтэй бэлэн юман дээр амар аргаар мөнгө олохыг илүүд үзэх болсон. Үүнээс улбаалж залуус бүлэглэн дээрэм хийж бусдад хохирол учруулах болов. Биеэ хамгаалах чадваргүй хөгшин настай хүнийг гэртээ орох гэж байхад орцонд дээрэмдэж биед нь хүнд гэмтэл учруулсан гурван залуу нийгмийг бухимдуулсан. Тэгвэл гэгээн цагаан өдрөөр бусдыг дээрэмдэж эхлэв. Тодруулбал, Чингэлтэй дүүргийн нутаг дэвсгэрт өглөө гудамжинд нэгэн эмэгтэйн цүнхийг булааж зугтсан хэрэг гарсан байна. Ямар баяр дөхсөн үеэр хулгай, дээрмийн гэмт хэрэг өсөх хандлагатай байдаг тул иргэд та бүхнийг сонор сэрэмжтэй байхыг анхааруулж байна.

Эх сурвалж: Шуурхай.мн