С.САРУУЛ

Замын хөдөлгөөний аюулгүй байдлыг хангах ажлын хэсгээс сар шинийн баярыг угтаж замын хөдөлгөөний ачааллаас урьдчилан сэргийлэхэд аах арга хэмжэний талаар мэдээлэл өглөө.
Нийслэлийн Засаг даргын захирамжаар амралтын өдрүүдээр буюу энэ сарын 30, ирэх сарын 06-ны бямба гаригуудад автомашины улсын дугаарын сүүлчийн орон сондгой тоогоор төгссөн, энэ сарын 31, ирэх сарын 07-ны ням гаригуудад автомашины улсын дугаарын сүүлчийн орон тэгш тоогоор төгссөн авто тээврийн хэрэгслийг дугаарын хязгаарлалтын бүс, Сонгинохайрхан дүүргийн Саппорагийн уулзвараас Таван шарын уулзвар хүртэлх замд 10:00-20:00 цагийн хооронд авто замын хөдөлгөөнд оролцохыг хязгаарласан.
Мөн энэ өдрүүдэд “Нарантуул”, “Хүчит Шонхор”,“Дүнжингарав” худалдааны төвийн чиглэлд шинэ чиглэлээр автобус явуулахаар болжээ. Мөн ирэх амралтын өдрүүдэд Дэнжийн мянгын замын хөдөлгөөнийг “Хүчит шонхор” худалдааны төвийн зүүн урд уулзвараас хойш үерийн далангийн уулзвар хүртэл урдаас хойш чиглэлд, далангаас зүүн тийш Судалт төвийн уулзвар хүртэлх замын хөдөлгөөнийг баруунаас зүүн чиглэлд 08:00-17:00 цагийн хооронд нэг чигийн хөдөлгөөнд оруулж зохицуулах юм байна. Улаанбаатар хотын зургаан дүүргийн нутаг дэвсгэрт мах, цагаан идээний өргөтгөсөн худалдааг зохион байгуулна.

Улаанбаатар хотын нутаг дэвсгэрт мах,
цагаан идээний өргөтгөсөн худалдаа
зохион байгуулах байршил

Эх сурвалж: www.polit.mn