Монгол Улсын Их Хурлын дарга З.Энхболд өчигдөр захирамж гарган, Улсын Их Хурлын даргын Ипотек, барилгын салбар хариуцсан орон тооны бус зөвлөхөөр Гочоосүрэнгийн Байгалмааг 2016 оны нэгдүгээр сарын 11-ний өдрөөс эхлэн ажиллуулахаар томиллоо.

Г.Байгалмаа нь Барилга хот байгуулалтын дэд сайдаар ажиллаж байсан юм. Түүнийг МоАХ-ны арын албыг тун чамбай залгуулж ирсэн гэдэг бөгөөд 2006-2012 он хүртэл МоАХ-ны Удирдах Зөвлөлийн нарийн бичгийн даргаар ажиллаж байсан юм. Харин 2012 онд Барилга, хот байгуулалтын дэд сайдаар томилогдсон юм.

Товч намтар:

Төрсөн огноо: 1976

Гэр бүл: нөхөр, хүүгийн хамт амьдардаг

Мэргэжил: Олон улсын эрхзүйч

Зэрэг, цол: Төрийн удирдлагын магистр

Боловсрол эзэмшсэн байдал:

• 1994 онд Нийслэлийн 10 жилийн 38-р сургууль
• 1999 онд  Отгонтэнгэр их сургууль
• 2011 онд Нийгмийн ухааны  Либерти дээд сургууль

Ажлын туршлага:

• 2002-2006 ШШГЕГ-ын Тогтоол гүйцэтгэх газар ахлах байцаагч
• 2006 оноос одоог хүртэл МоАХ-ны Удирдах Зөвлөлийн нарийн бичгийн дарга

Сонгуульт ажил:

• МоАХ-ны Удирдах Зөвлөлийн гишүүн
• Ардчилсан Намын Үндэсний Зөвлөлдөх Хорооны гишүүн
• Ардчилсан эмэгтэйчүүдийн гүйцэтгэх зөвлөлийн гишүүн

Гадаад хэл эзэмшсэн байдал: Англи, орос, герман

Г.Лхагваа