Загварын тайзнаас кино урлаг руу урвасан жүжигчин О.Амгаланбаатар хэд хэдэн кинонд дүр бүтээж сайн жүжигчин гэдгээ баталж олонд танигдсан билээ. Тэрээр сүүлд  “Бид 3-ын болзоо” УСК жүжчигчин П.Шүүдэрцэцэгтэй хамт гол дүр бүтээсэн. Кино дээр бие биедээ дурласан хосуудын дүрийг гайхалтай сайн бүтээсэн ч бодит амьдрал дээр таарамж муутай болохыг 25 дугаар суваг телевизийн “248 цаг” реалити шоунд оролцож байхдаа харуулсан. Энэхүү реалити шоуны нэгэн дугаар дээр залуус хоорондоо ширүүхэн маргалдаж жүжигчин П.Шүүдэрцэцэг уйлж байгаа харагддаг. Ямартай ч уг үйл явдлыг үзсэн үзэгчид П.Шүүдэрцэцэгийг “дэндүү хэрүүлч байна шүү охин минь” хэмээн хатуухан шүүмжлээд байсан. Мөн жүжигчин О.Амгаланбаатар ч хамтран зүтгэгч П.Шүүдэрцэцэгийн байгаа байдлыг шулуухан хэлж “амбицлаад бай Шүүдрээ” гэсэн нь түүнд хүнд тусаж нулимас дууслуусан. Энэ бүх үйл явдал цахим хуудаснаа өнөөг хүртэл яригдаж байгаа бөгөөд багагүй шүүмжлүүлсэн жүжигчин О.Амгаланбаатар анх удаа ам нээв. Тэрээр “Зохиол шүү дээ. Бүх зүйл тавилттай. Түүнээс биш би тэгж эмэгтэй хүнтэй муудалцаад л, уйлуулаад л байдаг хүн биш. Шоуны хандалт, үзэгчдийг татах гэсэн оролдлого л байх. Гадаадын реалити шоунууд ч гэсэн тийм л байдаг. Яах вэ Шүүдэрээ бид хоёрын хооронд зөрчил байсан уу гэвэл байсан. Гэхдээ тэр нь уйлаан майлаан болох хэмжээнийх байгаагүй. Шоу болдгоороо болоод л дууссан. Харин үүнээс болж би л элдвээр хэлүүллээ” гэв.

Эх сурвалж: Шуурхай.мн