Манай улсад эдийн засгийн хямрал энгийн иргэдэд ихээхэн нөлөөлж буй. Энэ хэрээр иргэдийн амьдрах чадвар тааруу болж нохойн хоолоор хооллож, 4 хуваасан талхаар хоолоо зогоож байна. Зарим хэсэг нь гэмт хэрэг үйлдэж бусдын эд зүйлсийг хулгайлж дээрэмдэж эхлэв. Энэ сарын дундуур ах дүү хоёр банк дээрэмдсэн асуудал олон нийтийн дунд нэлээдгүй шуугиан тариад авсан. Тэгвэл дахин банк дээрэмдсэн гэмт хэрэг өчигдөр гарсан байна. Тодруулбал, Капитал банкинд нэгэн үл таних этгээд халдаж, 14 орчим сая төгрөг дээрэмдсэн хэрэг гарчээ. Хан-Уул дүүргийн нутаг дэвсгэрт байрлах Капитал банкны салбарт 180 см орчим өндөртэй, 25-30 орчим насны үл таних эрэгтэй халдаж, банкны ажилтнуудыг айлган сүрдүүлсэн гэнэ. Одоогоор хэргийг цагдаагийн албан хаагчид шалган дээрэмчин этгээдийг эрэн сурвалжлах ажиллагааг эхлүүлэн ажиллаж байна.

Эх сурвалж: Шуурхай.мн