Урлагийн бүсгүйчүүд янз бүрийн л хүсэл сонирхол, хэрэглээний хэв маягтай байдаг. “Гурван охин” хамтлагийн дуучин Х.Анугийн хобби болон хэрэглээг сонирхов.

-Залуу бүсгүйн хувьд гоо сайхандаа багагүй цаг зардаг байх. Ямар фирмийн үнэртэй ус, гоо сайхны бүтээгдэхүүн хэрэглэдэг вэ. Ер нь сард хэдий хэрийн мөнгө зарцуулдаг бол?

-Ерөнхийдөө их анхаардаг шүү. Сүүлийн үед “Golden beauty” салонтой хамтран ажиллаж байгаа. Сайхан арьстай байх нууцаа тэдэнд даатгаад л явж байна даа. Үнэртэй усны хувьд “Armani”, “D&G”, “Dior”, “Bulgari”, “Escada”, “Diesel”-ын уснууд хэрэглэж байна. Харин гоо сайхны бүтээгдэхүүний хувьд сүүлийн үед “Estee lauder”-ийг таалах болчихоод байгаа. Сарынхаа тооцоог гаргаж үзээгүй юм байна. Нэг бүтээгдэхүүнийг хоёроос гурван сар хэрэглэх тохиолдол гардаг л даа.

-Биеийнхээ жинд хэрхэн анхаарал хандуулдаг вэ. Гоолиг сайхан байх ямар нэгэн нууц жор байдаг байх?

-Нууц жор байхгүй ээ. Өөрийнхөө биеийг хөгжүүлэх талаас нь анхаардаг. Эмэгтэй хүн учраас биеийнхээ жинд тодорхой хэмжээгээр анхаарах шаардлага гардаг. Хоолны дэглэм барьж, фитнессээр хичээллэдэг.

-Эмэгтэй хүн туранхай байхаас гадна сайхан харагдахын тулд ямар байх ёстой вэ?

-Заавал туранхай байж гоё харагддаг гэж бодохгүй байна. Хүн болгон давтагдашгүй байдаг. Хамгийн гол нь эрүүл чийрэг бие ямар ч хүнийг гоё харагдуулдаг.

-Юунаас эрч хүч авч байна даа?

-Олон юмнаас авна шүү. Найз нөхөд, гэр бүлээсээ авна. Заримдаа сайхан дуу сонсоод л эрч хүчтэй болно. Уурлаж бухимдсан үедээ тэнгэрийн хаяа ширтээд л хэсэг чимээгүй зогсох, хөдөө цэвэр агаарт гараад эх орныхоо уудам тал хөндийг харахад бас л эрч хүч авах шиг болдог.

-Бусдаас ямар бэлэг авах дуртай вэ?

-Намайг баярлуулах гэж сэтгэл гаргаж бэлдсэн бүх бэлэг үнэ цэнэтэй сайхан санагддаг. Найз нөхдөөсөө маш гоё ээмэг, зүүлтний хослол бэлгэнд авах нь олонтаа.

-Та ямар фирмийн дотуур хувцас өмсдөг вэ?

-“Victoria secret”-ийн үнэнч хэрэглэгч гэх үү дээ. Надад гоёлын загвар олон бий. Эмэгтэй хүний бие галбирыг хамгийн гоё, дур булаам харагдуулж чаддаг байх гэж боддог.