Нэгэн үе Монголын кино урлагт мандаж, шинээр гарсан кино бүрт дүр бүтээж үзэгчдээс өндөр үнэлгээ авч байсан сэтгүүлч мэргэжилтэй, жүжигчин О.Цэнгэл урлагтаа эргэн ирсэн билээ. Оюутан байхдаа л “Сайн уу, амьдрал минь”, “Боолын гэрээ”, “Гоёлын даашинз” зэрэг нэлээд хэдэн кинонд өөр хоорондоо эрс ялгаатай дүрүүдийг чадварлаг бүтээж байсан тэрбээр сэтгүүлч Б.Тэнгистэй ханилснаар урлагаасаа хөндийрч нам гүм амьдрах болсон. Ийнхүү хэдэн жил “сураг алдарсан” түүнийг үзэгчид ихэд үгүйлж байсан нь мэдээж. Сэтгүүлч Б.Тэнгистэй хувь заяагаа холбохоор хамтран амьдарч байсан хэдий ч хосууд салж жүжигчин бүсгүй маань таван жил гадаадад амьдарч байгаад эх орондоо ирээд байгаа. Эх орондоо ирсэн даруйдаа “Хамтран амьдрагч” УСК-нд дүр бүтээсэн бөгөөд сүүлийн үед хөл хүнд зураг нь олныг гайхшруулаад байгаа. Тэрээр өөрийн цахим хуудаснаа том гэдэстэй зургаа нийтэлсэн бөгөөд түүний цахим найзууд нь киноны зураг авалт хэмээн ойлгож байсан. Жүжигчин бүсгүй амьдрал дээр үнэхээр жирэмсэн болсон уу эсвэл уран бүтээлийн дүр үү гэдэг эргэлзээг олон хүний дунд үүсгээд байна.

Эх сурвалж: Шуурхай.мн