Нийслэлийн ИТХ-ын тогтоолоор иргэдэд гэр бүлийн хэрэгцээний зориулалтаар Баянзүрх, Хан-Уул, Сонгинохайрхан, Сүхбаатар, Налайх, Багануур, Багахангай дүүргийн 52 байршилд газар өмчлүүлэхээр болсон. Иргэдийн цагийг хэмнэх зорилгоор газар олголтыг цахим хэлбэрээр хийх тусгай программыг нийслэлийн Мэдээллийн технологийн газар боловсруулаад байгаа аж. Цахимаар газар олгох ажлыг нийслэлийн Өмчийн харилцааны газрын www. umch.ub.gov.mn вэб сайтаар зохион байгуулна.
Иргэдэд газар өмчлүүлэх байршилд хүсэлт хүлээн авах хугацаа нь зарласан өдрөөс хойш 15 хоног байна. Хугацаа дууссаны дараа программ газрын нэгж талбарын тоогоор нийт хүсэлт гаргагчдын дундаас автомат үйлдлээр сонгож, хүсэлт гаргагчийн гар утас, цахим шуудангийн хаягаар сонгогдсон, эсэхийг нь мэдээлнэ. Аль болох олон иргэнд газар өмчлүүлэх зорилгоор нэг хүнд олгох газрын хэмжээг 0.05 га байхаар тогтоожээ. Нийслэлийн Засаг даргын захирамжийн дагуу өнгөрсөн оны тавдугаар сарын 30-наас өмнө нийслэлд шилжин ирсэн иргэд газар өмчлөх боломжтой.

Эх сурвалж: Шуурхай.мн