Шүүхээс ял сонсч байсан нөхөр ИТХ-д суух ёсгүй” гэж үзэн эргүүлэн татахаар гарын үсгээ зу­раад эхэл­сэн аж

Шүүхээс хорих ял сон­­сож байсан Чингэлтэй дүүр­­­гийн Засаг даргын орлогч Ц.Содхүүг албан ту­шаал болон ИТХ-ын тө­лөөлөгчөөс нэрийг нь та­тах тухай асуудал хүчтэй яригдаж эхэллээ.

Ийн ярих болсон нь тус дүүргийн ИТХ-д өнгөрсөн 2012 онд сонгогдож Засаг даргын орлогч болж бай­сан, түүнийг өөрийн­хөө чадлаар бус на­мын тохи­роогоор албан тушаал авсан гэж олон хүн хэлдэг төдийгүй албан ту­шаалд очихоосоо өмнө “Бүгд найрамдах” ун­шуулж нэ­лээ­д шуугилж байс­­ан нэгэн гэдэг.

Тиймээс түүнтэй хамт мөр зэрэгцэн суугаа нө­­хөд нь “Шүүхээс ял сонсч байсан нөхөр ИТХ-д суух ёсгүй” гэж үзэн эргүүлэн татахаар гарын үсгээ зу­раад эхэл­сэн аж.

Түүгээр ч ба­рах­гүй түү­ний но-той, ноц­той үйлд­­­лүүдийнх нь хол­­бог­дох бүх бичиг ба­рим­тыг цуглуулж хуулийн бай­гуул­лагад өгөхөөр бол­жээ.

Түүнийг УИХ-ын ги­шүүн асан Ц.Шинэ­бая­рын төрсөн дүү гэдгийг хү­­мүүс мэднэ. Тиймдээ ч тэр өнөөдөр МАХН-ын то­хи­­ролцоогоор тус дүүр­гийн орлогчийн суудалд томилогдож байсан.Өөрөөр хэлбэл Ц.Сод­хүү­­­гийн ард нөлөө бүхий нэ­гэн эрхэм байдаг учраас түүний бүхий л хууль бус үйлдлийг цээжээрээ, хам­гаалж өмгөөлдөг уч­раас тэрбээр даргын зөөлөн суу­­далдаа улам ихээр шиг­дэн зууралдаж суудаг аж. Тиймээс Ц.Содхүүг ИТХ-аас эргүүлэн татах бол­­­сон магадлал бүхий шалт­­­­­­­гаантай ажээ.

Тодруулбал тэрбээр гэмт хэрэгт холбогдон шал­­­гагдаж байх үедээ на­маасаа ИТХ-ын нэрсийн жаг­саалтад багтаж оржээ. Гэтэл түүнтэй холбоотой анхан шатны шүүх хурал өнгөрсөн оны зургаадугаар сарын 21-нд Сүхбатаар дүүргийн шүүх дээр болж түүнд Эрүүгийн хуулийн 96.2.5 бусдын биед бүлэглэн хүнд гэмтэл учруулсан, Эрүүгийн хуулийн 153.1 дэх хэсэг болох банкны тухай хууль тогтоомжийг зөрчсөн гэх хоёр үндэслэлээр анхан шатны шүүхээс 2.6 жилийн хорих ял оноож байжээ.

Ингээд түүнд оноосон эл ялыг Улсын Дээд шүүх хэлэлцээд өршөөлийн тухай хуульд хамруулснаар хорих ялаас мултарч байжээ. Тиймээс түүнийг мэдэх ойрын хүмүүс нь “яагаад чухам өршөөлийн хуульд хамрагдах болов, тус хуульд хамрагдах болсон үндэслэл зэрэг нь юу байв гэж ихээхэн сонирхож байгаа” юм билээ.

Хамгийн гол нь Ц.Содхүү хэ­дийгээр өршөөлийн хуульд хамрагдаж ял зэм­гүй болсон нэгэн хэдий ч түүнийг эр­гүүлэн татах нэлээд хэдэн үндэслэл нь хуулийн заалтад тусгагдсан байдаг байна.

Тухайлбал “Хурлын тө­­лөөлөгчийг чөлөөлөх, огц­руулах” тухай, “Эрүүгийн байцаан шийтгэх тухай хуулийн 13.1.4 гэмт хэрэг үйлдсэн болох нь шүүхийн хүчин төгөлдөр шийтгэх тогтоолоор батлагдсан бол ажлаас чөлөөлөгдөх ёстой” гэж заасан байдаг байна. Эл хуулийн заалтыг задалж маш энгийнээр ойлгоход “аймаг, сум, иргэдийн ху­ралд нэр дэвшигч ял шийт­гэлтэй болсон нөхцөлд төлөөлөгчийн бүрэн эрхийг нь түдгэлзүүлнэ” гэсэн заалт өдгөө Монгол Улсын нутаг дэвсгэрт хүчин төгөлдөр хэрэгжиж байгаа хууль.

Товчхондоо бол өнгөрсөн оноос шуугиж эхэлсэн энэ эрхмийн тухай яриа тэгсхийгээд замхардаг нь хэр сүйхээтэй хүн бо­лохыг нь ч нотлоод өгч байгаа юм.

Тиймээс энэ удаа тус дүүргийн ИТХ-ын зарим төлөөлөгч уг асуудлыг нам­­жаахгүй, харин ч түүн­тэй холбоотой зарим нэг нө­лөө бүхий улстөрчийг олонд зарлах болно гэдгээ ч мэ­дэгд­сэн байна.

Түүнчлэн тэрбээр өөрийнхөө нэр дээр авч бай­­сан Баянзүрх дүүргийн 11 дүгээр хорооны нутаг дэвсгэрт нэлээн том хэм­жээний газрыг таван жи­лийн хугацаатайгаар ами­ны орон сууцны зориулал­таар эзмшинэ гэж бүртгүүлж байжээ. Гэтэл уг газартаа амины орон сууц биш бетон зуурмагийн үйлдвэрийн ба­рилга ба­риул­саны улмаас маргаан үүсч эхлэсэн тухай яриа ч гарч эхлээд байна.

Хамгийн гол нь иргэд төрийн албаны тухай хуулийг сайн мэддэггүй учраас шүүхээр хорих ял сонссон хүн төрд ажиллаж болдог юм уу гэж асуудаг. Тэгэхээр Ц.Содхүү дарга эл асуултад хариулах цаг нь ирсэн бололтой гэж хэлэх байна.

Ямартай ч төрийн ал­ба­н­ы хурган дарга нар өөрсдийн хууль бус үйлдлээ нуун дарагдуулж иргдэд ямар заавар зөвлөгөө өгч байгаа нь бас л сонир­хууштай хэрэг. Биеэ засаад гэрээ, гэрээ засаад төрөө зас гэгчээр хариуц­­­лагагүй энэ эрхэм хэдий болтол хариуцлагатай албан ту­шаалд тухлах юм бол.

Р.Саруул

Эх сурвалж: