R&B стилийн томоохон төлөөлөгч гэгдэх дуучин ВХ сүүлийн үед хувийн амьдралдаа хамаг анхаарлаа хандуулаад шинэ уран бүтээл хийх нь төдийлөн ховордсон. Харин өнгөрөгч баасан гарагт болсон “Хаан банк”-ны 20 жилийн шоунд тэрээр бүжигчдийн хамт ирсэн юм. Түүний хуучны дуунуудыг сонсох дуртай фэнүүд нь ч ВХ гэж зарлахад баярлаж, алга ташилтаар хүлээн авсан. Гэвч тэрээр “баридахаасаа таахалзах нь” гэдгийн үлгэрээр дуулах биш аахилах гэдгийг “утгаар” нь харуулав. Нэг дууныхаа ганц бадгийг ч бүтэн дуулаагүй тэрээр бүжигчдийн хамт бүжиглэж байхдаа өмдөө шувтарсаныг анзаараагүй бөгөөд энэ нь үзэгчдийг нилээд хөгжөөсөн юм. Тэрээр тайзны ард орон ортлоо өмдөө шувтарсаныг мэдээгүй бөгөөд хөх өнгийн дотоожоо бараг бүтнээр нь шахуу үзэгчдэд харуулсаар цааш орсон. Эхэндээ ч түүнийг гарч ирээд бут авах нь гэж найдан алга нижигнүүлэн угтсан үзэгчид сүүлдээ түүнийг согтуу байна уу даа хэмээн “сэжиглэж” эхэлсэн юм.

Н.Хувьзаяа  www.secret.mn