“МИАТ” компанийн Берлин-Москва-Улаанбаатар чиглэлийн  Боинг 737-800 онгоцны техникийн аюулгүй ажиллагааны горим алдагдсанаас Москвад хоёр хоног саатжээ.

Уг нислэг 120 зорчигчтойгоос 95 нь Берлинээс, 25 нь Москвагаас бүртгүүлжээ. “МИАТ”-ийн зүгээс энэ явдлыг тайлбарлахдаа ““Шереметьево” нисэх буудалд Боинг 737-800 онгоцонд техникийн үзлэг хийхэд нэг дугуйг нь солих шаардлагатайг тогтоосон аж. Тиймээс даваа гарагийн орой Улаанбаатараас нөөц дугуйг илгээсэн байна. Гэтэл ОХУ-ын гаалийн агуу­лахаас авч чадалгүй өнөөг хүрсэн” гэжээ.

ШӨХТГ-аас Москва хотод саатсан хохирогчдод нөхөн төлбөр өгөхөөс гадна буудал, хоол хүнсээр үнэгүй хангах шаардлагыг “МИАТ” компанид хүргүүлсэн байна.

Өнгөрсөн  хугацаанд зорчигчид ни­сэх буудлын “Duty free” дэлгүүрийн гадна байрлаж, онгоцны буудлын шалан дээр хонож, дүрвэгчид шиг амьдарч буй талаар ар гэрийнхэн нь мэдээлжээ.

Нөхөн төлбөрийн хувьд “МИАТ”-ийн дотоод журмын дагуу 200 ам.долларыг зорчигч тус бүрт олгох юм байна.

Техникийн горим нь ч алдагдаад “МИАТ” нэг л  биш ээ.  Дугаар  буух мөчид  “МИАТ” компани   “Шере­метьево” буу­далд саатсан зорчигч­дыг өнөөдөр 08:00 цагт Улаанбаатарт авч ирнэ гэж мэдээлсэн.

Эх сурвалж: Өглөөний сонин