Барилгын салбарт од нь гийж яваа ахан дүүсийн тод жишээ гэвэл яах аргагүй “Жи­гүүр гранд”, “Сандэй” группээрээ овоглосон Т.Баттөр болон Т.Бат-Өлзий нарыг нэрлэнэ.

Гэхдээ тэд барил­гын салбарт тэргүүлсэн ч харилцагчдаа хохироосон луйвраа нуусаар байна. Хамгийн сүүлчийн жишээ бол­гож “Сандэй” гурппын захирал Т.Бат-Өлзийгийн “Мян­-гуу­жин­гийн үлгэр” гэг­дээд бай­гаа  “Peace tower”-ын балгийг энд дурьд­ъя. “Peace tower” хэмээх нэр­тэй энэхүү цамхагийг барьж эхэл­сэн цагаасаа Т.Бат-Өл­зийгийн баг иргэдийн дур­гүйцэл, эсэр­гүүцэл­тэй тулгарч байсан.

Ту­хайн үед “Энхтайван най­рамдлын ордны өмнөх талбайг хууль бусаар авсан. Иргэдийн чөлөөт цагаа өн­гөрөөх талбайг сүйтгэж байна. Газрын наймааг гааруулсан үйлдийн тод жишээ” зэрэг шүүмжлэл гаарч байсан юм. Гэсэн ч мөнгөтэй хүмүүс асуудлыг дор нь зохицуулчихдаг бол­сон хойно тэрхүү тэм­цэл, эсэргүүцэл тэгсхийгээд намжсан. Т.Бат-Өлзийгийн багийнхан ч шүлэнгэтэн байж авсан хотын төвийн А зэрэглэлийн газар дээрээ орчин үеийн худалдааны төвийг сүндэрлүүлэх ажлаа ямар ч саадгүй эхлүүлсэн. Санхүүжил­тийн асуудлыг нь л шийдчих­сэн байхад аливаа ажил өөрөө аяндаа бүтчихдгээс хойш Т.Бат-Өлзийгийн багийнхан “алаагүй баавгайн арьс”-ыг хуваах ажилдаа идэв­хийлэн орж, санхүүжилтийн асуудлаа төвөггүйхэн зохицуулсан байдаг. Өөрөөр хэлбэл, ашиглалтад ороогүй барилгынхаа талбайг түрээслэх түрээслэгчид, худалдан авагчдын эрэлд гарсан гэсэн үг. Бизнес эрхлэгчид болон томоохон байгууллагууд ажлынхаа орчныг сайжруулахыг хүсдэг болсон энэ цаг үед Т.Бат-Өлзий “Peace tower”-ыг барих санхүүжилтээ ядах юмгүй олсон. Бизнес эрхлэгчдийн хувьд ч “Peace tower” бизнесээ өргөжүүлж, хөгжүүлэх хамгийн тайтай орчны нэгд тооцогдож байсан учир нэг, нэгнээсээ өрсөж талбай худалдаж авах, түрээслэхийн тулд Т.Бат-Өлзий рүү мөнгөө бариад гүйсэн нь дамжиггүй.